Mònggvn zømwàng nina shanga àngni

Mònggvn zømwàng nina shanga àngni

Mònggvn zømwàng sha àngni wawe nø mònggvn vsvng rì shagóng cúnshì lvm dvpat tùbum dvbangā we zømwàng, mvløng shøngsùng rìnvng zømwàng sharì kadø vzømnø cúnshìwe dang nvng àngmaq nø vsvngrì dvpat kadángte vjú vlwe dang svng dvtàn we àngni gø íe.

Yani svng mònggvn rvpdoq UN taqkèní mònggvn svngpvn dvcìrì vháng lúnlvm wawe manggá vdòng taq dvshá mvhoq vsvngrì shvyúm lúnlvm nvng tòni ò rvgaq svng roqgvr lvm wawe dvlà taq yani svng March 3 ni taq mvsat shì bøì we íe. Mònggvn vsvngrì 200 million gø nvng 350 million gø dángte vsvngrì nø we dø tòniò rvgaq zømwàng rìtaq shvnvr shìnø shagóng dvkúm shìwe íe.

Wedø zømwàng rì taqkèní ám-aq lvm, vl lvm chøm dvgø dvrè rì, cì dvshirì dø íwe àngmaq dvpat mà vl mvdaq dvrè rì lúnò we shvràrì íyaò nø gvzà vchyak we shvrà gø íe. Mònggvn taq 28% shvrà rì íwe toniò rvgaq svng roqgvr we vsvngrì taqkèní we zømwàng mvløng shøngsùng rìnvng zømwàng sharì svng roqgvrò we gø íe.

Wedø zømwàng mvløng shøngsùng rìnvng zømwàng sharì taq vsvngrìò mapnøtí chá vle vré shì we rat rvgaq yachàngò làngcha rì tiqni mvdàm tiqni vlíng mvnshì ráì we gø íe. wewa mvtaq dvjáng zønli angpvn pvn vkøn nø wulaq tvrà rì taq gø vban shì dvzvŕ sháò we íe. Yani taq toniò zømwàng sharì, mvløng shøngsùng rì taq dvkúm shì we tvrà, tòniò rvgaq svng roqgvr lvm tóng laqyà svng rvtø yanggúng ngàngdøng lvm dvpat roqrim dvzaq dvkángshì rawe nvng wedang svng vpø shvring shì ràwe dang rì kaq dvkám we rvtō àngni gø íe.