Mòngzøl dø vlwe svng dvtvn lvm Iraq nvng nvmsvr rvwe dung vlwe rìsvng Svrabín koqkám pè Francisí nvngùn zí bøà we shvngkà.

Mòngzøl dø vlwe svng dvtvn lvm Iraq nvng nvmsvr rvwe dung vlwe rìsvng Svrabín koqkám pè Francisí nvngùn zí bøà we shvngkà.

Mòngzøl dø vlwe svng dvtvn lvm Iraq nvng nvmsvr rvwe lvp vlwe rìsvng Svrabín koqkám pè Francisí nvngùn zí bøà we íe. Iraq móngdàn taq dvbù shvng dì we Svrabín koqkám pè Francis svng Iraq móngdàn vsúyaq kèní dvbù nø vtoò wedø Iraq móngdàn koqkám kó taq Iraq koqkám pè Barham Salih ígø nøtshøm dvbù sórí vto bøà we íe. Vatican móngdàn mvkún nvng Iraq móngdàn mvkún kún da:ngí Svrabín koqkám pè Francisí pàmvrà wanø vtoq shìwe kà shønòe. We mèpvng Svrabín koqkám pè svng Iraq koqkám pè chøm mè svng dvtvn dv:ngí koqkám pè chøm vdúng kaq vto bøà we íe. Lvbo hítvn dvjù zawe ínìgø nvm wacè dílúnò we íe. Abraham svng dvtú shì kømpaq gø Iraq móngdàn koqkám pè svng zí bøà we dá:ngí, Iraq koqkám pèí Svrabín koqkám pè dvbùshvng dìwe kaqsvng oqã wanø shøn bøà we íe. Svrabín koqkám pè Francisí shønò we mòngkà taq vchvk we (3) dang svng røt ním bøà we íe. Nvmlvt taq, Iraq móngdàn dvpvt móngdàn kèní dvbvng lvm nvng Covid-19 bøn we rvtø taq vdè dèò bvnlì taq dvzaq shì sòrí yógà vgvmcì svng vsvng vrvm tú shì lúnlvm gø shøn bøà we íe. No (2) dang taqnø vsvng mvluq we rì dvpvt íe. Rvcvngcè vsvng mvluq we mvtaq shat vhømò we yazidi dvsì vsvng rìsvng vgvm lvm dvpvt gø røt we kà shøn bøà we íe. Lvngdøm dang taqnø, nvmsvr rvwè rvgaq taq Iraq móngdàn nø cømsaq mòngzøl nø vlwe svng dvtvn lúnlvm nvng màbóng we dvhø taq vrvm vrá nø vlwe svng gø dvtvn lvm nvngùn zikà shøn bøà we íe.