"Móng lvmvng  bvnlì taq dvzaq dvgvngshi nø vbárì kaq svng Catholic dvzømshúrì kèní  Surgical Mask nvng Vchvk we dvrē rì dvbvng we:"

"Móng lvmvng  bvnlì taq dvzaq dvgvngshi nø vbárì kaq svng Catholic dvzømshúrì kèní  Surgical Mask nvng Vchvk we dvrē rì dvbvng we:" Shvngkà

February 28,2021

Mandalay myoq (35) tvrà taq February 28,2021 ni st. Josep gai mvdò Catholic rvzvngce dvzømshúrì, st.francis sevia dvzømshú mvdòrì nvng Catholic rvzvngce dvzømshú koyøn tiqmaq taqkèní Covid vgám lúnlvmrvt Nvmbøng Sømri vbá we Mask, dvchvn dvnv'n bønrà rvtørì taq lánglvm Vnā-kvt (hansaplast) nvng Vmlvm rì svng dvgøò nø democracy vmíng vkvng lúnlvmrvt tvrà nvmdøngø sandaq bya rì kaq svng dì nø Covid 19 Zønlì svng gø vyáshì lvm dang shvdøm weí zíbøā we íē.

" Covid 19 Zønlì yóga gø mamvng, Vsvng mvmè mv-ngúshì dvgvp Mask Vnā shìwe mø-i lvm rvt dvgøā we íe." "Yadang taq vrum móng kèní vlú zíshì we vlù àngkàng tiqgøò  shóngnøntni nónggùn zíshì we íē.

"Nøngmaq nø shóngnøntni døngmàn we dvrá svng nónggùn zíí rì íshá rvt vlún dvngtè dvbàshì lúni rvt gvzà nønt shømlvm vlē. Myarma móngdvn móngzøl lòng laqtuq daq wanø dvtvn we dvzømshú Mama st. Francis gai mvdò taq kèní dvzømshú Mama tarezaí shønòe.  

" Nøngmaqí gvrvnā we gønpaq svng vtōshì rì vl pà dø, mv-lushi we ínigø Vgo vngvmshì nø vpø we svng èyvng longò dvgvp gvzà nøntshøm dvbùlvm rà íē. Tiqmaq nø vmlvm rì íē lv'nò nø mv-lúshì we ínigø tiqmaq nø cycle na:rò nø Mask cè nø wā lùshì bøì wanø dvzømshì we taq vbá we Catholic rvzvngce brother Patrick taq kèní shønòe.

Myarma móngdàn taq 2021 nøng February (1) ni kèní Pye vsuyaq í Ānā tøl bøā. Yadang svng vgám nø sandaq dvtvnò rì Myarma móngdàn mòngdøngtvngø dèni høqshaq bù:ngē. Vkvtdø sandaq byaq we boy taq dà:mā lúnò Vsvngrì luqmvnshì dø tiqdvchà shì we Vsvng gø mvmè vl a: mì.

Myarma móngdàn Catholic sasvna vrv'm kèní shvngrúng shú, dvzømshú rì, Shvngømrérì gø bøn búngā:mì we móngdàn dvjà tvrà taq móngzøngcerì nvng tiqdø vl lòng svng dvtvn nø vjúrøt we dang, mongzøl dø tvrà dì nø vjúrøt weí sandaq dvtvnshi we mvdvmø, Nønt løm vlù zíshì we vlù àngkàng rì rvt  mà-vl a:mi shì bøí we  chøm Vsvng døngkurì kaq svng nøntshvløm we, vjúrøt dvbvng we bvnlì nvng vdè taqkèní vlún dvngtè nønt lømløm tubùm dvbvng shìbøì we svng wa bøā we íe.