Móngdàn dvpvt shaqhé shì lvm jak dvrè rì lúnlvm dvpvt Biru Svrado gvbà rìí dvbv:ngò we shvngkà.

Móngdàn dvpvt shaqhé shì lvm jak dvrè rì lúnlvm dvpvt Biru Svrado gvbà rìí  dvbv:ngò we shvngkà.
        

Respira peru móngdàn taq gvzà vchvk vtvng nø Covid-19 vna zønli yóga rvt zawe vsvng rì shaq vhé shì lvm jak dvrè taq kení dvbvng lún lvm dvpvt vlu gvmsùng lúnlvm vchvk we íe.

Vkvt we dang svng Peru Svrado gvbà mvdò, St.Innetius loyolar (detgvdu) nvng móngdàn vdùng taq vlwe (setmuq) mvdò rì nvng tiqdø mvngu shìnø dvzaq shìwe íe.

Vle bøì June shvlá taq cvngvmà wamà yvng cvmré vní gø' shaq vhé shì lvm jak dvrè tìn nø shì bøì we kaqsvng Peru móngdàn vdòng taq vlwe TV Chennal yvng kení dvshv:ngò we svng yánglún shìe.
       
Wedø bøn bøì we rvtnø vkvt dø vlu lá lvm vdū we svng vtoì nø bønráì we íe, wae.

 We vlu gvmsùng svng nø peru móngdàn vdùng taq vlwe pøzá rì nvng gvza vchvk we company rì yvng kení lún shìwe íe.

Vkvtdø mònggvn rvgaq vrvm taq kení gø TV rì taq kení dvshvngò nø shaq vhé shì lvm jak dvrè rì wan lvm dvpvt vlū gvmsùng (8-9) millian dvngte lún shì bøì we svng shá lún shìe.