Móngdàn vtáng lvp svng yølshì bøìwe Iraq móngdàn noqshì vsvngrì kaq vdè rvgaq svng vrá vtáng lvm goòwe shvngkà

Iraq wunjípè Mistafa Al-Kazemi taqkèní Islamrì vkámshì we rat móngdàn vtáng lvp rìkaq svng yølshì bøìwe noqshì vsvng Christianrì svng vdè móngdàn kaq vrá vtángnø lo lvm goò we taq àngmaqò ràwe dang àngpvn pvn rìtaq dvbvngshì nø shìwvt àng pvn pvn taq gø tubùm dvbang-alvm nvng Iraq móngdàn kèní dvcìrì shvngbe nø tiqdø vzøm ràwe ínø móngdàn vtáng svng yølshì bøìwe noqshì vsvng Christianrì svng pàmvràcè vtoìwe mvtaq mvjàn ratnø gvyaqshì bøìwe chøm cúnwángrì svng gø vrá dvcøp alvm ínø mòngzøl we móngdàn àngshvŕ svng mvn dvzaqshì lvm dvzaqshì e wanø Asíríyán mòngàn shvngkà dap kèní dvshvngvtnà. Wunjípè taq kèní vlev:mìwe lvbán ni taq Chaldean Catholic Cardinal louis Raphael I Sako nvng vhøm nø dvmàn bøì we Cardinal pè taq kèní Iraq vsúyaq nø móng vsvngrìò bøn mvyø we dangrì taq tùbum âràwe nvng yóga zønlì vgám we dangrì taq dvzaq shì ràwe svng tvnùng bøa we íe. Cardinal pè dvtut shønwe taq " móngdàn vtáng lvpmø yølshì vdu á:mìwe dvcìcèrì shvngbe nø Iraq dvcì íwe taq dvgòng lushìrì wa ínø shvngbe nø vdè rvgaq svng vrá lo mvyørì wa íe Al-Kazemiò vsúyaq wvl taq àngmaqrìò lvpat rì mòngzøl lòng lún lvm dvdamshìe" wanø tvnùng bøà. Shvngømrérì dvhø tubùmshì we mvdò (Aid to the Church in need) taqkèní gø 2014 nøng kèní móngdàn vtáng svng yølshì bøìwe Iraq noqshì vsvngrì vdè rvgaq svng vrá vtáng nø lo mvnshì ráìwe ínigø mòngzøl dø vl lúnò we dang dvbangãwe taq nvngòn yúmwe rat shìwvt àngpvn pvn vhøm mòe wanø tvnùng bøà we íe.