Mathergabrinyò hang angsher svng newyork taq poqlvm;

21 Oct,2020, Mathergabrinyò hang angsher svng newyork taq poqlvm;

Mather frances Xavier Gabriny ò háng angsher svng newyock myoq taq røp dvngbøā nø poq bøā.We long røphang nø layparty røphang pàdø newyuyockò mànā dømrø tiqlòng ílune wā vlømshie. Brown galin sasvnsò svradopè Nicholas Dimazioí yàlong Shansher mè nø Vsvngpvn dvci,Shvngømré marvwing nø dvsháhoqírì svng tubum we dang vsvng shvngbeí shálunlvm rvt mvnggá gvlshì we íē wā shønòe.October 12 taq nø svradopeí" Yalong nø Dvcikùn mvshøl wā mv-taq, vjvnglaqya shvlá lùshì ra"íē wa dvshvng bøā we íe. Newyock myoqdòo rvmvngzøng taq vbá we røphang long nø shiwvt nvng banchvtrì bú:ng mvnshìwe lvpat vdòng taq vsvng mvmè shvbong shvmvtshi lvm rvt wa bøā we íe.

Svradopeí nø svmarérì nvng mvdoceri dvpvt vpnóng shìbøí we Mather svng dvgung shvríng we røphang wá lúnlvm rvt mvdoce tiqlòng nvmlat poqdvngí nønt løm vlu lálún bøā we íē. Røphang taq Mather nvng tiqdø cvmrece tiqme nvng lvngashvré tiqpè angmaq vshøm gø nø Shøce tiqlong mvdvmø vlē. Mather i nø léga bok lvngo nø lvngashvrépèce ínø Italy shønggúng gang (Duriqyā) tiqlong svng lvngoe. Mather Gabriny nø Italy móngdvn taq (1850) nøngø gvl yàngà. Íwe angnø American yvng dukkaqdè mvdò ku vséshi nø vl yangi.

We me ínø "Vkangpè Yesuo mvrézā shóngnønt mvsøn" wā we dvbushang sasvna dvcømshú Mama tiq mvdò svng poq lún bøā nø shvnip shvnal vhømò we, dvshá hoq vsvngrì nvng bvnlì rvt vséshi vdù we dukkaqdè ri dvpvt Newyuyock myoq taq dvbushang sasvna bvnlì wà ya:ngà we tiqme íe.

 

Add new comment

13 + 4 =