Min pindap kèní Káng móngwvl, Gvn bvlet wamà taq vlwe Catholic shvrúng shú jau Fr. tiqgø svng tvp bø:à we

Min pindap kèní Káng móngwvl, Gvn bvlet wamà taq vlwe Catholic shvrúng shú jau Fr. tiqgø svng tvp bø:à we.

  June 6 ni 8:00 AM rvtø taq Káng móngwvl tìbo lvp, Gan bvlet wamà taq shvrúng shú bvnlì taq ripwe Fr. Michael Aung Ling svng àngò bvnlì dvzøm shú tiqgø nvng tvp bø:à wanø shálún shìe.

Shvrúng shú Fr. pèí móng vsvng shòlaqrérì kaq tubùm dvbangā we bvnlì wawe rat mvrà shvriò we svng gø shálún shìe. Wewa mvtaq we noqngøm kùlwàng vdòng taqgø we pin dvp taqkèní jip:mò we svng gø shálún shìe. Shvngømré mòngkà svra tiqgøí vtàn:ò we taq "noqngøm kùlwàng vdòng taq nø shvngømré rìí gvray kaq ālu zíshìwe dvrèrì, 10 wvl 1 wvl bø, vmcitrì wa vl we íe" wae. Tvpbø:à we Father pèsvng nø vdip:mòwe, vréshìwe nø mvyáshì we ínìgø àngsvng ka shvrà svng shøl bøò we svng mvsháshì wae.

Fr. Michael Aung Ling laq lutshì ra wanø vjúrøt dvbangā lvm wàì.