Modo vtøp weí vsvng (3) gø shì bø'ì we shvngkà.

Modo vtøp weí vsvng (3) gø shì bø'ì we shvngkà.

Yangon-Mandalay vmyan tvrà me ming dvrúng nvmlat (305/0-1) pàlúng dvhø Modo vtøp á:mì Shvngkà tálúnshì nø, Dígú:ng vmyan tvrà svmi shvt mvdò chøm wáng kèní àng mvdò taq vbá we (1+4) gø' , Dígú:ng vmyan Yé chøm kèní àng mvdò nvng tiqdø dvbvng shú mvdò rì dì nø dvnung bø'à. Bønbúng a:mi we tvrà taq Nēbyīdō kèní Mandalay dì lúngì we Honda Airwave 6j 1 Modo nø, kv'ng lúngà we taq àng vshing zø'm mv-lúnò rvt tvrà rvwe vl we Bēriyàdúng kaq vtøp nø narshì bø'ì. 

Modo vtøp weí Modo mvdvm modo gut pè (1), Svmaré (2) me shvngbe (3) gø', Lvngaré (1) pè, Svmaré (1) me nø shì bø'ì nø, Svmaré tiqme dà:má lún bøā nø Nēbyīdō dvshá zā mvdò kèní Mì:tilā  mongzøng cí kok me kaq dvtuq bøā. 

Vmyan tvrà me mvdvm taqø dì we mongzøngcerì dvlú dvgø'shì lúnlvm dvpvt vmyan svmi shvt mvdò yv'ngkèní (24)nari tùbùm dvbàng lvm rvt dvlú dvgø'shì shaq íbø ì wa nø shálun shie.