Muslims noqshì we vsvng rì (98%) vlwe Iraq móngdàn taq Hkrismas nìsvng móng shvwa vsvng nánì dvtú bøà we shvngkà.

Muslims noqshì we vsvng rì (98%) vlwe Iraq móngdàn taq Hkrismas nìsvng móng shvwa vsvng nánì dvtú bøà we shvngkà.

Iraq móngdàn svng Svrabín koqkám pè Francis nø mvshøl vlwe dvbù shvng tuqlvm zvng (3) shvlá ràwe rvtø taq Iraq paliman kení hkrismas angnì svng móng vsvng rìò nánì svng (16) nì taq dvtvn kàsvng shvngbèí nøtkøm nø vtò bøà we íe. 2008 nøng taq vsúyaq rìí wenì svng (nánì) angnì wanø vkángzì shìwe ínìgø mepvng nøng rìtaq zvngwa dvtú we dang màvl we íe. Iraq móngdàn taq kirkuk wamà gvbà tiqyvng wa móng vsvng dvpvt angnì wanø vkángzì shìwe íe. Baghdad wamàò dvzøm shú Svrado Bishop Basilio Yaldo ìnø, Vkvt dø shvngbèí nøtkøm we nø mvshøl tiqlòng íbøì. Pàwa lvm wanì, hkrismas nø Iraq móngdàn taq vlwe móng vsvng rì dvpvt jøngjøng nì nøtpyo dvbú lvm boy gvbà tiqboy írvt íe,wanø shøn bøà we íe. (Ref: "Iraq declares Christmas an official holiday" by John Burger, aleteia.org)