Mvshøl maryknoll dvzømshú Mama tiqgø lvpat (102) nøng taq mà-vl a: mì we Shvngkà

Mvshøl maryknoll dvzømshú Mama tiqgø lvpat (102) nøng taq mà-vl a: mì we Shvngkà

American Byìtóngsù taq Vsvng pvn dvci mà-rvwing nø lvjvng we cìrùng svng nvmlat nvmpvng vrvng yvngà we Catholic dvzømshú Mama gvbà mè nø February 13 ni taq àng narshì bøìwe newyou york taq vl we Mama rìo chømmèø mà-vl bøì we svng shálún shìe.

Dvzømshú Mama gvbà.Madeline Dorsey nø maryknoll Gaiò dvzømshú ku (85) nøng høq a:pnóng shì yà:ngì. Àng nø Tipo America, tìnì America, rvwè rvgaq nvng tìnì Asa rvgaq taq dvríshì  Gvray bvnlì rīwe ínø (20)  yá-mvzuqò lvpat mvshøl svng vrūo mè gø íe. 

" Shvwi vmvt we Narni" wa tøò we sandaq bya boy taq vbá nø (54) Ming høq mongzøl dø tvrà dìnø sandaq dvtan yà:ngà.

1918 nøng taq Brongalin, neyou york taq shøq yvngà nø lvpat (18) nøng mvlìm taq nø Maryknoll dvzømshú Mama Gai
kaq gong yàngì. We mèpvng American Catholic college kèní cì svrama Dikban bòyq svng gø,  St. Louis college kèní cìrùng svng øpkvng pvrvn lemvt nvng master bòyq svng gø lún yàngà. We mèpvng pvnamā móngdvn,  polibia móngdvn, Deriqlinga nvng Ācābedù móngdvn rì taq cìrùngrì poqò nø sasvna wā yà:ngà.

1962 march shvlá taq Vsvng Naqrì svng shvnip shvnar we vmvng lv'm rvt mongzøl dø sandaq dvtan nø dvnúng we mvnggá bvnlì taq Mama mvtdee nvng dvzømshúrì nø nvmlat shølshú vgo dø wáshì nø dvnúng yàngà. Wekvt dvnúng mvnggá svng vtù vrē weí Shvwi vmvt we Narni wanø bøng zí ya:ngà.

Add new comment

5 + 11 =