Myanmar móng Pathein svrado gørwang svradopè taq kèní covid 19 yóga zønlì nvng sing nø tvnùngvtnà we

Myanmar móng Pathein svradopè John Hsane Hgyií August 26 ni taq kèní Covid 19 yóga zønlì vwàng nø vrá vkøn ráì we svng vgám lúnlvm tvnùng kàru dvkangvtnà we íe. We lòng kàru taq " Covid 19 yóga mvzín kélvm gvzà vyá shàì yalòngnø nàmlat yóga zønli taqkèní 10 dvtàng zínke lvwan we írat nø vsvng dvkømshì we shvràrì vrá nar vduá:mì. We dø íwe taq àngdèò góng shiqshàn lvm dang svng cvnì nø ám-aq we dangrì taq vdu vbóng dø ám-aq lvm nvng shiqshvn dap kèní tvnùng òdø cvndøng lvm shvdøm we íe. We wa mvtaq pø gvmsùngrì gø rà vchyak we taq wa lángshì lvm nvng gvtømrì taq vwa dø mvdi lvm, vsvng mvzuq shìwe shvrà rìtaq vyáshì nø vl lvm dvkám bøà we íe. Mvŕdaq wam, nvngøp wamrì dvchøp shàì nø vsvng tiq gø nvng tiq gø dvhø vchuqbe vsar dø gvt gvt vl ràe. Àng dvtut shønwe taq yalòng yóga zønli vgám lún lvm dvpat Gvray kaq vjú røt dvzaq shì lvm svng gø dvkám bøà. Myanmar móngdàn shølshú vgorì taqkèní August 28 ni vsháng 8 nari taq Covid 19 yóga zønlì zín kébøà we vsvng shangbe 628 íá:mì nø paqzí zùng rì gø nar vdu á:mì wanø shá lúshìe.