"Myanmar móngdàn dvpvt cardinal Charles Bo í shøl nø Roma myoq taqø Noqngøm Missa vjúrøt we tvyø svng chvng dvtán lvm Shvngkà"

"Myanmar móngdàn dvpvt cardinal Charles Bo í shøl nø Roma myoq taqø Noqngøm Missa vjúrøt we tvyø svng chvng dvtán lvm Shvngkà"
=====================

Roma móngdàn tuq Myanmar Catholic shvrúngshúrì, dvzømshúrì taqkèní dvnung nø Myanmar móngdàn shiqshan lvm nvng Mongzøl lúnlvm rvt mvdøng vjúrøt we Noqngøm Missa svng October 12 ni dørøm lvp, Myanmar móngdànò rvtø 9:30  nari rvtø taq Roma myoq dō, Yesu mvdoò àngké noqngøm Chøm íwe  "Vkangpè Yesu Noqngøm chøm" yv'ngø Cardinal Charles Bo taqkèní shøl nø wàlvm íbøì. Roma móngdàn tuq we Myanmar móngzøngcèrì lúmlvm íbø ìnø online kèní gø lúm lúnshì we dang Magis Myanmar Facebook page taqkèní tiqdvtvng goshì bøì we íe. 

Roma myoq taqkèní chv'ng dvtán lvm íwe Noqngøm rvtø Missa svng dvtán shi we rvtø vdòngø RVA Myanmar Facebook mvr yv'ng svng gòng nø shvlúm shì weí Myanmar móngdàn dvpvt vjúrøt lúnshì we íe.Yalòng Missa Kagvp Noqngøm rvtø svng shøl ra lvm íwe Myanmar móngdàn kèní Cardinal kvba Cardinal charle Bo nø October shvlá (8) nī kèní mònggang dìngtà:g nvng sing we svradorìò nyilakvn me Synod of Bishops  svng lúm lvm dvpvt Roma myoqdō kaq svng tuq lú:ngì we dang shálún shìe.