" Myanmar móngdàn dvpvt dvdvm màná weí vjúrøt dvbvng lvm íe wā Cardinal Vincent Nichols kèní Shvngkà zi kàru "

" Myanmar móngdàn dvpvt dvdvm màná weí vjúrøt dvbvng lvm íe wā Cardinal Vincent Nichols kèní Shvngkà zi kàru "

Myanmar móngdàn dvpvt dvdvm màná weí vjúrøt dvbvng lvm íe wā Cardinal Vincent Nichols kèní Shvngkà svng 2022 nøng vní baq wà baq vhøm Mv-ngùshi lìpong mvpvngshì vzàng England and Wales Svrado rìò àngké mvdò tvle Cardinal Vincent Nichols kèní cardinal charles Bo kaq svng Shvngkà kàru shvrì daqa.

Cardinal Vincent Nichols kèní àng nvm jø'ngkvpdø shóngshì we cardinal charles Bo nvng Myanmar móngdàn taq vl rvzvngcerì, Kà shvdik tiqlvpat dvpvt kvmshì bø'ì we dvzømshú me la, shvrúngshú rì nvng Svrado rì kaq England and Wales Svrado rìò àngké mvdò kèní pàmvrà wàwe dang, Myanmar mongzøngcerì í vhøm vdù we dvshà lvm rì ya lvban vdòng taqø nøngmaqí wàlvm íwe 2022 nøng, vní baq wà baq vhøm Mv-ngùshi we lìpong taq ,nøngmaqò nønt mvsøn vdòng, vjúrøt we kà rì taq mvdøng vl we dang, adventu rvtø svng nvmlat gòng lúngì dø tiqdvchá nøngmaqò vjúrøt Kà nvng Kømzøp dø dvdvm we, vrvm vrá lvm dang gø shvlá wā vllvm dvdùshì we dang, mongzøl lòngò Koqkvmpè nø nøngmaqò nønt mvsøn vdòng taq vl lúnlvm rvt vjúrøt dvbvngìe wàwe Kàru tiqgøm svng shvrì a:tnà we íe.

Cardinal Vincent Nichols nø January shvlá 2022 nøng taq St. Marry Noqngøm chøm me yv'ng wáshì we Church's Response to Trafficking and Unsafe Migration - International Conference kaq lúm bø'ì nø rvzvngcerì tiqnønt tiqmvyung wáshì lúnlvm vjúrøt bóy nvng nár nī Missa Noqngøm rvtø taq Mongkà dvshvng bø'à pè gø íe.