Myanmar móngdàn dvpvt vjúrøt dvbang we Svrabin Koqkvm Francis kaq Myanmar móngdàn móngzøngce tiqgø taqkèní Oqã wa Kà shvrī karù

"Myanmar móngdàn dvpvt vjúrøt dvbang we Svrabin Koqkvm Francis kaq  Myanmar móngdàn móngzøngce tiqgø taqkèní Oqã wa Kà shvrī karù"

Catholic Sasvnamèo shølshú Vgopè íwe Svrabin Koqkvm Francisí nø mongzøl lvm dang nvng singdø lvmvng tiqyø rì dang vrvm taq rvtø vrvm dvzaq dvgvngshì we shvngømré shølshú Vgo tiqpè íwe svng mònggangí shvdøngò dø Myanmar móngdàn dvpvt shøn na dvbang nø røt nemā we Svrabin Koqkvm Francis svng Myanmar móngzøngce tiqmè íwe Me. Me Dvjvn híng, myit mvkaq kèní oqā wàwe dang nvng zvndvttut Myanmar móngdàn dvpvt  røtnem dvbangà lvm rvt vpø nøntni røt nemshì Kàru svng angò Facebook mvr taqkèní dvkang shì we íe.
 
Svrabin Koqkvm Francis àng taqkèní Myanmar móngdànø pinyèlshì vsvngrì dvpvt gø, shvngømré Noqngøm wáng chømrì svng vpøā lúnlvm dvpvt gø shø:nà nø røt nem dvbangà we kàru svng wème taqkèní Jun 21 ni taq rø lúnò we dang nvng nønt shøm dvbù lún we dang,

Svrabin Koqkvm Francis nø mvreza shóngnønt dvnzøng we shvngømré shølshú Vgo tiqpè èí rvt tvp bøā we Myanmar móng Bukdaq shvngømré nvng svradori dvpvt gø zvndvttut røt nem dvbangà lvm rvt Myanmar móngzøngce tiqgø chi:mp ku røt nemshønge  wanø vruò nø røt nemshì Kàru íe.( Àngì vruò we Facebook mvr taq yv'ng lún shìe )