"Myanmar móngdàn nvng tiqdø vli we dang Philippines Catholic rvzvngcerìò Vzaqshì nøntnì dvtvn bøā lòng svng Myanmar móng Catholic shvngømrérì kèní Oqã wa Shvngkà"

"Myanmar móngdàn nvng tiqdø vli we dang Philippines Catholic rvzvngcerìò Vzaqshì nøntnì dvtvn bøā lòng svng Myanmar móng Catholic shvngømrérì kèní Oqã wa Shvngkà"

   Philippines móngdàn Catholic rvzvngcerì nø myen móngdàn mv-zømcaq we íni gø, vshøm baq wa baq Covid zønlì dvjáng vkøn weí dvsha mvhøt lvm yaklvm vhøm vdù we íni gø myen móng rvzvngcerì nvng tiqdø Ka dvgvp gø vli e wa dvtvn lún rvt myen móng Catholic rvzvngcerì taqkèní Oqã wa Kà shøn bøā.

Nøngmaqò lvpat mvshøl taq ngvmshìlvm tvrà nvng vhø'm vdù we rvtø taq Vkvt dø namaq taqkèní ripmà lúnì lòng nø nøngmaq gvzà nonggùn lùshì rà íe, wā Yangon Gaíchuk svrado gvba cardinal charpo taqkèní Philippines móngdàn Catholic shvngømré svrado àngké rúng Vgopè svrado gvba Romulo valles kaq svng vrù nø shvrī bøā we íē.

Philippines Catholic shvngømré svrado mvdò àngké rúng kèní July (19) nī " lvban tiqni svng, myen móng rvzvngcerì nvng tiqdø vli we angni" wanø dvshvng bøā we íē. Philippines móngdàn døngtvng taq vl we shvngømrérì í angmaq taq vl we Noqngøm chøm vrvm vzèngrì svng dørøm rvtø (6). Nari rvtø taq møt lvm rvt gø dvkvm bøā we íē. Myen móng dvpvt vjúrøt dvbvng lvm rvt gø vjúrøt Kà tiqkum svng gø dvkang bøā we íē.

Myen móngdàn nø mónglvmvng nvng vnā zønlì dvjángrì gvzà vkøn we rvtø taq Philippines móngdàn kèní Catholic rvzvngcerì taqkèní myen móng móngzøngcerì nvng tiqdø rip lún dvtvn lún rvt gvzà nønt shøm lvm vl we dang, July (19) myen móng shanglut lúnlvm rvt dvzaq dvgvngshì sorí Shvt vhøm bøā we àngnī gø íwe dang, we nī, àng lvjøm vl we àngnī ílúnlvm rvt Philippines móngdàn Catholic rvzvngcerì taqkèní myen móng móngzøngcerì dvpvt vjúrøt dvbvng we dang, dvsha mvhøt vhøm vdù we rvtø dvshá za nøntni vkvt dø døngdøng ngvngnvng ripā lúni rvt gvzà Oqã wa mvtømshì we dang nvng myen móng móngzøngcerì nvng Ka dvgvp gø tiqdø vliè wanø Shvngkà Kàru dvkvng bøā we dang, yadang nø gvzà vpø shvring lvm rà íwe dang,

Philippines móngdàn nø myen móng móngzøngcerì svng Paqzí angdangdang cvnā nø lvpat zídvngrì háng we

móngdàn gø íe.

July (19) ni svng " Myanmar móng móngzøngcerì nvng tiqdø vl nø dvtvn we àngnī " wa dvkvng bøā lòng nø Vnī baq wa baq vhà vjángshì lòng íe. Vlē a: mì we May shvlá (30) nitaq

gø Philippines móngdàn Catholic Noqngøm chøm rì shvngbe taqø Myanmar móngdàn mónglvmvng Mongzøl lòng lúnlvm rvt Missa Kagvp nóng nø vjúrøt we wa bøā we íe. We pàdø Svrabin Koqkvm nvng dvgá móngdàn kèní gø angdangdang taqkèní vjúrøt dvbvng we dang dvtvn bøā we íē.

# rvarvwangservice

# Shvngømré Shvngkà