Myanmar móngdàn taq pin ăna shin svng vgvm we rì mvdvm dvki vrèwe tvrà svng mvwà lvm Svrabín koqkám pè Francisí røtním shì bøì we shvngkà.

Myanmar móngdàn taq pin ăna shin svng vgvm we rì mvdvm dvki vrèwe tvrà svng mvwà lvm Svrabín koqkám pè Francisí røtním shì bøì we shvngkà.

Svrabín koqkám pè Francisí Myanmar móngdàn taq ãna tør bøà we kaqsvng vgvm we rìsvng dvkì vrè we nvr lvm dvpvt nvng tvp bøà we rìsvng dvshaqí shvlàng lvm Democracy tvrà dang svng zan dvtut di lúnlvm pin vsúyaq kaq røt ním shì bøà we íe. Svrabín koqkám pè Francisí mòngzøl dø vgvm we Myanmar móngzøng cèrì svng zan dvtut nvngùn zí mvyø we rvt shønò we íe. Svrabín koqkám pè Francisí Myanmar móngdàn taq ăna tør bøà we kaqsvng vgvm we rìsvng dvkì vrè we nvr lvm dvpvt nvng tvp bøà we rìsvng dvshaqí shvlvng lvm Democracy tvrà dang svng zang dvtut dì lúnlvm pin vsúyaq kaq røt ním shì bøà we íe. Svrabín koqkám pè Francisí " ăna tør bøà we rì kaqsvng shvnip shvnvr we mvwà lvm mvngu shìnø vrã shì ràe” wa shøn bøà we îe. We dv:ngí móngdàn vrvm svng "Myanmar móngzøng cèrìí dvdvmò we svng dvkì vrèò we mvwà lvm” svng gø dvtú shì we íe. " Nøngmaqò móngdàn taq vlwe vlù vlvng rìnø mvshóng mvwám shiwe mvdvrá dang kèní vrá tiqkvt vrvm vrá lvm tvrà svng di lúnlvm svng dvdvm mìe” wae. Móng bvnlì rvt tvpmò nø tung shvrúng bøà we rìsvng gø dvshaqí shvlut na lvm Myin pindvp nø February (1) ni taq ăna tør bøà mepvng móng lvmvng shølshú rìsvng tvp bøà we íe. Naingvn do vtaibin kan bukgu, nyínchvnyé nobel suqshvn Daw Aung Suqgyi svng tvpmò nø setdweyé dang sing we Upvdi mvdvm móngdan vdòng taq mòngzøl lvm svng vgvm dvzvre wanø dvrá dvràò we svng vhømò we íe. Móng lvmvng rvt tvp bøàwe rìsvng dvshaqí shvlut dv:ngí Democracy tvrà taq vrá rip lúnlvm dvpvt vsúyaq svng Svrabín koqkám pèí røt ním shì bøì we íe. Lvng døm taq vle á:mì shvlá taq shøn bø:ngà wedø tiq dvchá Myanmar móngdàn taq móng shølshú rìsvng dvshaqí shvlutã ò nø Democracy tvrà dang svng vrá rip lúnlvm dvpvt røt ním shìwe íe. Ãnã tør bøà rvt vgvm we tiq shvlá vhøm we rvtø taq lungchungyé dap rìí vgvm we móngzøng cèrì svng netì vyø bùm rì nvng svnvt rì lv:ngò we svng yvng lún shìe. Vgvm rìsvng dvkì vrè rvtnø Svrabín koqkám pèí røt bøà we Lvbán (3) ni taq Democracy svng shóng shìrvt vgvm we taq vbá we móngzøng cèrì (9) gø svng yé rìí shvt bøà we íe. February (1) nì taq kèní dènì rvtø høq shì bøì vsvng (50) rvzé gø dángte vle wanø sun shìwe íe.