Myitkyina Svsana taq Covid-19 Response Team mvdòrì vrà shìwe shvngkà.

Myitkyina Svsana taq Covid-19 Response Team mvdòrì vrà shìwe shvngkà.

Myitkyina Svsana taq wá pvng bøà we Covid-19 Vgám lúnlvm bvnlì dang svng té shvla dø walvm dvpvt shvngømré kèní singwe shølshú rìnvng Cì Svrà gvbà rì vhøm dvkøm shìnø

àra shìwe rìpòng svng August 5, 2021 yaq dørøm raq taq wà bøà we svng shálún shìwe íe.

Myitkyina Svsana taq Covid-19 ana gvza vkøn we írvt nø zàwe vsvng tiqnì nvng tiqnì zàwe vsvng téloq mvn shì írvt Covid-19 Care Center mvdò vràm kèní tiq mvdò nvng tiq mvdò

Kàdø mvngò shìnø cì lvjvng lvm vgám lúnlvm dang svng kà vrà shì bøì we svng shálún shìwe íe.

Vrá vzàng dvtut Covid-19 Care Center rì taq apnóng dvzøm shìwe vsvng rìkaq Covid-19 vgám lúnlvm cìtúà lvm dvpvt gø wàlvm íwe dang svng shálún shìwe íe.

Covid Positive bønwe døngkù tiqchøm rvp vsvng rìkaq dvbvng lúnlvm dvpvt nvng vrá dvtut màvkøn lvm svng vgám lvm dvpvt Quarantine Center shvrà rì walvm dvpvt gø lvjà:ngò

we svng shá shìe.

Vkvt Myitkyina Svsana yvng poqò we St.Carmelus Covid Treatment and Care Center yvng cì lvjvng shìnø vlwe vsvng 23, Shatapru yvng vsvng 24, nvng St. Luke's Response Team

mvdò yvng Covid Positvie bønwe vsvng 50, gø vlwe svng shálún shìwe íe.