Nøngmaq svng shóngshì we Gvrayò mørdvngø vsvng gø vrvm nø vnvp vtvng nvng vpø vtvng we íe wanø svrabin koqkámpè Francisí shønò we Shvngkã.

Nøngmaq svng shóngshì we Gvrayò mørdvngø vsvng gø vrvm nø vnvp vtvng nvng vpø vtvng we íe wanø svrabin koqkámpè Francisí shønò we Shvngkã.
Monday, September 28, 2020
Nøngmaq svng shóngshì we Gvrayò mørdvngø vsvng gø vrvm nø vnvp vtvng nvng vpø vtvng we íe wanø svrabin koqkámpè Francisí shønò we Shvngkã.
 
         Svrabin koqkámpè Francis nø September shvlá (21) Lvbán 1, nì taq, Austria Móngdan San polten cìrúng yvng cì lvjáng shìwe nøt Shiqshvn lvm mvlúnò we Cvmrécèrì nvng dvgá Cvmrécèrì kaq svngVatican yvng vtòò nø vhøm weí dvmàn bøì we íe.
Wedø vhøm nø dvmvn wetaq nøt shiqshvn lvm mvlúnò we Cvmrécèrì 42, gø vbá we ínø, angmaq svng dvzøm shìwe angpè angmè maq nvng tiqdø íe.
Sarabin koqkám pè Francis ínø “Welcom to the Vatican” Vatican kení shvngbè kaqsvng pàmvrà vtoìe wanø vtàn-vtnà.
"Shóngshøng we cvmrérìò vnvp we mvrshvm rì kaq svng yáng lún shì rvt Gvzà nøtshøm dvbù:nge. Shóngshøng we cvmrérìé nàmaq shvngbe gø gvzà dvbù nøng we kaq svng ngàí yvngò rvt nøt byo:nge” wanø zvng dvtut shøn bøà we íe.
Ya cvmrérì nø 1995 nøng rvm kení poq pàng bøãwe Ambulatorium Sonenschein (mø:ínì nø) The Sunshine Outpatient Clinic wawe cìrúng cèyvng zì lvjáng shìrì íe wanø shá lún shìe. We zìrúng cèyvng cì lvjáng Shìwe Cvmrérìò Vna zønlì rìkaq svng ji:pmàò; paqzí zíãò nø cì lvjáng dvbvng ngaò we kaq svng shá lún shìe.
 
             “Nàmaqò chøm bøng rìnø “Sunshine,” “ Nvm svr wedø ” íe, gvzà vnvp we bøngrì íe, wanø Svrabin koqkámpè Francisí Cvmrérì kaq svng shvgùn shvrìngò kà shønò we íe. Wedø nì Cvmrécèrì cì lvjáng shìwe zìrúng cènø gvzà vnvp we cìrúng cènì íe. Gvray Gvsvng ínø mòngàn rvgaq svng mánò ke vngò laqmù køm zøp rvt nvmbanrì shvngbè nø vdè nø vdè vtok dø cháv-lè vnvp we lòng svng yvng lún shì we íe.
Nøngmaq gø vrvm nø, Gvrvyò ne taq vnap we íe, Gvray ínø Nøng maq shángbe kaqsvng shóng shìwe íe. Wedø írvt nøngmaq shángbe nø Gvray kaq svng oqà wáràe, wanø svrabin koqkám pèí Cvmrérìí tácíngò we kà shvbóng rìkení lvpmò we íe.
               Gvrayí mvnò we pvn vrvm shángbe kaq svng vsvk cúnshì lvm zíshaq írvtnø oqà wa ìe vpè Gvrayá. Vpè nvng vmè kaqsvng èmánò rvtnø Vpè Gvray kaqsvng oqà wàngè. Nøngmaqò Døngkū vsvng dvpvt rvt nøgø oqà wàngè. Cìrúng yvng cìlvjáng shìwe cvmré rvmnvngrì dvpvt gø oqà wànge. Svrabin koqkámpè Francis Cvmrécèrì dvpvt oqà wa shvgùnò nø Vjúrøt naò we íe.
Kàngpe Yesu nø Cvmré rì kaqsvng shóngshì we íe. Cvmrérì rìò vngpè vngmè maq svng shvmánã lvm; vngcì vngkàng rì kaqsvng gø shvmánã lvm; Cvmrérì vlwe mònggàn kaqsvng gø shvmánã daqe; Nøngmaqò kámnøntí, Gvray kaq svng røtnò ke lúnshì daqè” wanø sarabin koqkám pe Francisí cvmrécèrì kaqsvng nøngùn zíò we íe.
Vkvtdø yayvng kømngøm ráì Cvmrécèrì shvngbe kaqsvng oqà wàngè wanø svrabin koqkám peí shønò we kàsvng Vatican Shvngkà dvp kení shá lún shìe.
Wekvt Koqkv́m pèí vtà:ngò nø, Ngàí namaq svng v̄la:tnìni, ‘Ngà vnvm vchv̄ng yarì dvhø̀ taq, cv́m vtv̄ng we tiq gǿ svng namaqí èwáā yv̀ngshà dv́ngte nø, namaqí Ngà svng èwáā yv̀ngshà we ni íe, v̄l lú:ngòe. (Mt 25: 40)
Source;Vatican News
 
 
 

 

Add new comment

9 + 9 =

Quick Links