Ngalxm lxm we rvtx, ngari yadx ngvngshi we svng yvnglunshi

Ngari ngvng shiweshvngka

Ngari anglxm lxm we rvtx, yadx ngvngshi we svng shalun shie

Ningvrvm rvtx, Tvruq Shvla nvng Shvngxt Shvla rvtx yvng, Ngari yadx ngvngshi nx anglxm lxmo svng shalun shie. Vde Puto Mong keni Mvliqti nvng dvga ticeri yvng gx we rvtx yvng Ngari ngvngshi we svng shalun shie. 

Yadx Ngari ngvngshi nx, anglxm lxmo we June keni August Shvla rvtx yvng nx, Nga shvt nvng Nga tvp mvdaq we rvtx ie wa we svng gx Vsuyaq keni dvshvtno tvra vle. Yarvtx yvng Nga shvt mvdaq long nx, Ngari anglxm lxm rvt ie. 

Nga shvt, Nga tvp we tvra angpvn pvn vlwe keni, Shock Dato long nvng Bom wvpo bvnli nx Ngari dvpvt gx, Lvngcha dvpvt gx gvyaq mvnshi we tvra tevtvng we ie.

Nga shvt mvdaq we rvtx yvng tiqwvn nx, amlvm aqlvm mvluno ri gx vle. Puto rvgaq yvng Nga tiqjoi svng 6000 i nvmo svng gx shalun shie. Nga shvt, Nga tvp mvdaq we rvtx svng shai nx cvndxng we long nx shvngbe dvpvt shvla we bvnli ie. 

Add new comment

1 + 0 =