Pàrvt Shànshér we nár lvban wànø mvsvtnò è mà?

         Pàrvt Shànshér we  nár lvban wànø mvsvtnò è mà?

Àngké Catholic shvngømré me taqkèní Vkangpè Yesu yeruslem myoq kaq svng mongzøl Koqkvmpè tiqgø'dø ring vtv'ng dø gòng lú:ngì we lvban yv'ngkèní shànshér we nár lvban wànø nvmlat pvngshì lúngì lòng íe.

Pàrvt Shànshér we nár lvban wànø tø'shì lúngì mà? wàwe taq,

1. Nár ni- Vkangpè Yesu yeruslem myoq kaq svng ring vtv'ng Koqkvm dø gòng lúngì we,

2. Shànshér we lvban tiqni- Àngmè Màriqí Vkangpè Yesuò hí svng ngórdólcì í mv:tnàò we,

3. Shànshér we nár vní ni- Vkangpè Yesu kaq yuda Iskariot í nvmvmlvm dvnúò we dang dvkvm we,

4. Shànshér we nár vshøm ni- Yuda nø shølshú Svra rì kaq nønt vyùq rvt nø shvrúngshú vji rì kaq svng nvmvm bø'ā.

5. Shànshér we nár vbī ni- Vkangpè Yesu nø coqcvnrì nvng lvngdøm yaq dørøm vmpà vmbóy taq ta svng shóngnønt vzø'm lvm rvt Kàgvp àngshvr svng zíòe. Vkangpè Kàgvp Sacramentu ( Missa dvrá svng vrāng we) nvng shvrúngshú vyāzì we sacramentu svng gø vrāng bø'à.

6. Ìshøt vl we nár bunga ni nø- Vkangpè Yesu dvshà mvhø't vhø'mò nø à:ng gønshaq mà-vl á:mi.

7. Dø lòng vdòng kaq svng íbø' íwe nár vchuq ni- Vkangpè Yesuò gønshaq mà-vl á:mì we shagóng vnàng lòng dvgvm vdòng taqø vl we svng mvngushì nø dvdvm ràe.

8. Vkangpè Yesu shì we, mvrà nvng mà-shvla pvn ídá:ng te taqkèní jór á:mì nø, à:ngnø Gvray íwe dang svng svkse dvtán bøā we íē.

Vkvt dø ìshøt vl we nár ni rì taqkèní dvgø bøà dang rì rvt shànshér we nár lvban wànø mvsvt bøā we íē.