Philippines móngdàn Catholic shvngømré rì taqkèní May 30ni taq Myanmar móngdàn móng dvjà dvpat vjúrøt lìpùngmè wàlvm mvsvt bøà we shvngkà.

Philippines móngdàn Catholic shvngømré rì taqkèní May 30ni taq Myanmar móngdàn móng dvjà dvpat vjúrøt lìpùngmè wàlvm mvsvt bøà we shvngkà.

    Philippines Catholic svradorì àngké mvdòí dvtú bøà we Circular No. 21-23 taq, tuqrawe May 30 ni taqnø Philippines móngdàn køptaq vlwe svrado gøwrwangrì vrvm taq yanila Myanmar móngdàn taq móng vsvngrìí vhømòwe móng dvjà dvpat vjúrøtā lvm íwe svng dvtú bøà. Philippines Catholic svradorì àngké mvdòò vgo pè Archbishop Romulo G. Vallas, D.D taqkèní Cardinal Chairle Boí vtàn bøàwe Catholic shvngømré noqngøm chøm svng shvnvt mvzøí wvpmò nø móng vsvngrìí dvshà mvhøt we vhømò shvngkà svng CBCP rúng svng shvri karu lún bøà, Nvmlat kèní Philippines móngdàn Catholic shvngømréí Myanmar móngdàn dvpat vjú røt dvbangā we íwe taq yadø shvri kàru vtoshì lún bøàwe rvtø kèní cvn cvn móngkøp:í vjúrøt lìpùngmè svng wà lvm dvkám bøà we íe. Shvnip shvnvr we rì cvn cvn nvr lvm, mòngzøl lòng lúnlvm dvpat rvcángcèrì kaq roqgvr we, nøngmaq shvngbe dvpat vjúrøt dvbangā we Yesu àngmè mariq nø nøngmaq nvng tiqdø vjú vra leq røtā daqì wanø shvngkà vtàngvtnà we íe.