Philippines móngdan tini lvp kení Cahtolic Fr. tiqgø ' shvnvtí wap nø shatnò we shvnka.

Philippines móngdan tini lvp kení Cahtolic Fr. tiqgø ' shvnvtí wap nø shatnò we shvnka.

Philipines móngdan nø Asia dayq taq Cahtolic shvngømré vsvng luq vtvng we tiq móngdan íe. Wedø ínìgø Sasana taq dvzaq shìwe Fr. rìsvng rvtø vrvm tapmò tvra rì, Fr. rìsvng shvnvtí wapmò nø shatnò we shvngka rì tá lún shie.

Vkvt gø Philipines móngdan tìni lvp (Malaybalay) Sasana kení Cahtolic Fr, íwe Fr, Rene Regalado svng January (24) nì dørùm lvp taq shvnvtí wapmò nø shvt bøà we íe. Ang nø Carmaelite yvdeq mvdo kení fr,tiqgø' ínø, zùng gvba yvng waò we zup pòng kaq svng tuq we íe.

Angmaqò zup pòng wá da:ngí vdèò sasana rvgaq st. John(23) college zùng kaqsvng loke dørùm (7:30) nayì rvtø taq bøn bøì we kaqsvng shá lún shìe. Wedø bøn bøì we kaq svng zandvtut gún dvtopmò we íe. Fr. ò shagóng nø modo nvng (3)miter dvngtè vcvr nø yvng shìe. Shvnat gø we yvng niwa yvng shìe.

We bvnlì svng gún dvtøpmò we byada rìí shønò we nø shvnatí shinì mvwapmò we rvtø taq vshvt ke we íe wawe svng shá lún shie. Wedø bøn bøì we bvnlì svng gùn dvtøpmò we shaqré rìí gø fr. ò pvlàcè dvpvt vjú røt nà lvm nvng ya bvnlì svng cvn cvn shá lún lvm dvpvt dvzaq shìràe wanø røtním shìweí dvgá pàgø shini mvsháshì we kaqsvng shá lún shìe.