Philippines svrado àngké gomidirì taq kèní Coronavirus stigma svng nvrlvm dvkámwe shvngkà

Philippines móngdàn vdòng shvngømré vgorì taqkèní Coronavirus yóga zønlì zínkéò we vsvngrì kaq rvwingwe mvwà lvm shvngømrérì svng tvnùngvtnàwe íe. Manila svradopè Broderick Pabillo shønwe taq Covid 19 yóga zønlì móngdàn vdòng vkøn ráì we taq tiq ni mvdàm tiqni shvyømwe rì luqman shìráì wae. Vleá:mì we lvbán we lòng zønli kèní ban ráìwe shvrúng shú tiqpè taq kèní Coronavirus yóga nø kàngpè yesu rvgaq mvdàm vlwe rvtø vkøn yàngìwe zøtná nvng shvbóng bøà we íe. Zøtnáí zawe vsvng tiqgø svng vneí chvpdap yánglúnshìe coronavirus yóga zínkéò vsvng tiqgø svng vneí yáng mvlúnshì, ínìgø we gøní svng tidá vsvngrìí vtoq vtip shìwe nø tiq dvchá ni vbónge wae. Yóga zangwe vsvngrì kaq svng tiqdá vsvng rvmnvngrì mvtaq tiqchøm vsvngrì ígø svreá:mò nø rvwingwe vhømòe. Àngmaqnø vyáshìwe mvl rat nø yóga zínkéòe wanø mvrà shvri we vhømòe. Wedø íwe vzìng lvmrì, tasvng mvrà shvriwe svng mvwáshì lvm dvkám bøà we íe. Mòngàn taq màbóngwe svngpvn dvcì, tóng laqyà kámnøt tvrà nvng shvngømré àngpvn pvn vdòng taq wedø íwe shìwvtrì gvzà vl e wanø gø tvnùngvtnà. Yalòng Coronavirus yóga zønlì svng vgám lún lvm dvpat vzàng kaq vjúrøt dvzaq shàì wanø røtním shìwe íe.