Phone kèní dvmvn nø vtòqvtìp lúnshì we gø dvshàrì nvng we chøm rvp rì lvpvtò angshaq íe wawe shvngkà.

Phone kèní dvmvn nø vtòqvtìp lúnshì we gø dvshàrì nvng we chøm rvp rì lvpvtò angshaq íe wawe shvngkà.

Mòngàn vrvm taq duqkaqdè dvshà we vsng rì (25) wàn jàn nø vdèò vlrà chøm, døngkù rì, vdèò Súnwáng rì svng gwlò we vsvngrì gvza vlwe svng shá shìe. Werì nvng tiq dvchá dvgá dvrè vpø we  Gvmsòng pàgø láng mvlúnò ínìgø angmaqí láng lúnò wenø angmaq nøt vdøn shìwe vsvng rìnvng vtòq shì lvm Phone íwe svng shálún shìwe íe. Duqkaqdè rìnø tì tvrà, vdvm tvrà dang kèní lùtlvm dvpvt dvza shìnø vdèò døngkù rvp, tiqrvp vsvng rvmnvng rvmchvng rìsvng angmaq duqwe vlwe shvrà kaqsvng shá dvzvr nø jak (GPS) kèní dvtvn weyvng lálún lvm íe. Wedø vchvk we rvtø rì taq vtòq shì nø, wedø wá lúnlvm dvpvt British móngdàn kèní dvtvn bøà we íe. 

We dang svng James Pearce í, dvgøò we íe. Ka móngdan taq tuqwe ínìgø we móngdànò móng lvmvngò mòngzøl dø vl lúnlvm dvpvt angdang (koye matdán) rìsvng UNHCR rúng yvng svng bøng záng ràe. Wedø walvm dang taq rúng yvng vsvng tùng tuq dí mvrà. Phone taq kèní vdèò koyematdán vchet vlet rìsvng dvtá Shvlae. Wedø waò we taq Gvmsòng bé mvrà dø wálún lvm vdù we íe.         
 
Dukaqdè rì dvpvt Póng taq kèní vtòq vtìp lún wenø angmaqò lvpvt mòngzøl lvm lún shìwe íe. Dukaqdè rìsvng Póng vtòq vtìp lùng nø vsvng pvn vrvm svng dvbvng we nvng sing nø Svràbín koqhám pè Francisí "Vsvng vrvm nø té shvlà we, té mòngzøl we lvpvt svng lúnlvm svng vløm shìe. Dukaqdè rì yatwe bvnchvt rìsvng vtū vrè we dang taq kèní cømsaq mòngzøl lvm mvlún shì. Yadø yatwe Dukaqdè rìsvng dvshazà we dvdvm shálvm ràe, wanø shøn bøà we íe.
          
  Nøngmaq shvngbè nø angmaq svng vrá dvbang rawe íe. Angmaq svng nøngmaq nø tiqrvp, tiq døngkū vsvng rìdø vyàng kè ràe. Angmaq nvng dvmvn nø vrám vrá lvm vchvk we íe. Phone kèní vtòq vtìp nø dvmvn weí dvsházã dvbvng we rvt oqã wanø mòngàn vrvm taq vl rìí Video taq kèní gø dvbù we shvngkà gvza dvshv:ngò we íe. Wedø waò we dang nø " Nøngmaq shvngbè taqsvng tvlè nønt vdøn shìwe” ang lvjøm íe wanø James Pearce í, shøn bøà we íe.