PLN Gwrwang taq Covid-19 vna gvp we vsvng rì dvpvt cìlvjáng dvbvng lvm shvrà poq lún bøà we shvngkà.

PLN Gwrwang taq Covid-19 vna gvp we vsvng rì dvpvt cìlvjáng dvbvng lvm shvrà poq lún bøà we shvngkà.

PLN jau Gwrwang taq, gwrwang øp shvrúngshúpè Nooel Naw Latní shølò nø PLN St.Josep nøqngøm zùng wáng shvrà taq Covid vna jepmò we svng (16/8/2021) yaq kèní Lvbán 1-5 nì dvhø, ni vrvm vsháng 9:00 - 12:00 Noon høq vsvng dvci, shvngømré vrvm màrvwìng nø Covid vna jepmò we íe.
 
Covid vna gvp bøì we vsvng vrvm taq  yatwe tvrà vlwe svng yáng lúnshì rvtnø ( 25/8/ 2012) yaq taq St.Joseph Covid-19 cháng dvbvng we shvrà svng Gvray kaq vjúrøt dvlè daá:ngí Covid vna gvp nø zawe vsvng rìsvng vlrà lvjá:ngà we nvng cì lvjá:ngà we svng wá pvng bøà we íe. 

Yat nø dvshà we vsvng rì dvpvt wanø dvtú shìwe írvt kagø svng gø ang dvpø mvlu shìshaq vna jepmò we nvng cìcì lvjá:ngà nø dvzøm dvbvng we íe.

PLN JAU Gwrwang nø jau gwrwang poqò we (4) shvlá vhøm ráì we írvt ràwe dang gvza vlwe ínìgø mvring vsvng rì dvpvt rà vchvk we Covid vna zøm lvm dvbvng we shvrà svng waì we íe wanø gwrwang øp shvrúngshúpè í, shønò we íe.

 Yãrvtø taq zàwe vsvng rìsvng dìwe nvng lòlvm tvrà taq shálvm dvpvt mòdò (Ambulance) gvza zøm dang we írvt dvbvng vlún we vsvng vlnì nø dvbvng lvm gwrwang øp shvrúngshúpè Fr.í røtnèm shìwe íe.