Poland Dvn-mvdaq pèí Svrabyin Koqkvm svng vhøm nvng dì lú:ngì we shvngkà

Poland Dvn-mvdaq pèí Svrabyin Koqkvm svng vhøm nvng dì lú:ngì we shvngkà

Poland móngdvn Dvn-mvdaq pe Mr.Andrzej Tuda nø Vatican svng dì lú:ngì nø Svrabyin Koqkvm Francis svng vlēāmi we lvban búnga nī taq vhøm nø dvmvnbøì we íē. Svrabyin Koqkvm nvng vhøm nø dvmvnbøì mèpvng Vaticanò kuni móng lvmvng wunjipè Cardinal biyètterū pàrùlin nvng wángza mong vtoq-vtip we bvnlì angkangpè Archbishop Paul Richard Gallaghm nvng gø zvtdvtut vrāmvnshì bøì we svng shálúnshìe.

Vatican shvngkà dvp kèní dvkvngshi dø tiqdvchà, Svrabyin koqkvm nvng Poland dvn-mvdaq mvdò nø Shansher pè svràbyin Koqkvm vnípè wape John Paul (ll) ò shøq we angnì tiqyá nøng vhøm bøì we dāng nvng vzømvzvp nø dvretowe bvnlì mvdòme poqshi we vbisé (40) nøng vhøm bøì we dāng svng gø vrāshi nø dvmvn bøì we svng shálún shìe. Wemvdvm Shvngømréò vzvnglvp vlømshi rà íē we, "døngku dang nvng zílvngréri ò paqzí dang rì mvdvmø dènila bøn we Covid zønlì svng vgám lúnlvm bvnlìrì svng gø mvdøng mv-daq dvmvn nø vrāshi bøì we svng shálún shìe.