Putao Gørwang Vdong Øpkáng Dvp Kèní Tvnùng-vtnà We Shvngkà

Putao Gørwang Vdong Øpkáng Dvp Kèní Covid -19 yóga zønli vgám wedang nvng singnø August 30,2020 ni taq Tvnùng -vtnà we shvngkà.

Myanmar Móngdan vdong yani la vrá tiqkat vkøn mvnshi ráì we Covid -19 yóga zønli nvng singnø vgám lvm dvpat móng vsvngrì taq kèní cvmdøn rawe (8)ciq svng øpkáng dvp Kèní Tvnùng bøà we ie. We ciq rìnø- (1) Vdè chøm taq wa vl lvm (2) Vsvng mvme gø mvngu shìwe shvrà rìtaq pvtut mvdì lvm (3) Tiqgø nvng Tiqgø gvt gvt vl lvm,bøn daq ninø Tiqgø nvng Tiqgø 6' vsar we shvra taq kèní vtiq vtiq lvm (4) Shøngan svng dí vdvra dvgvp nøngøp shvná wam gwa shi lvm (5) Vdè wul taq vsaq shi sháòwe virous svng dvsher lvm dvpat sabyaí yúm vtang 20 seconds naq dø wvl ciq shi lvm (6) Wángza rvgvq rì taq kèní tuq rarì svng gvl shi we quarantine bvnli ritaq tubum dvbang shilvm dvrá mvshang dø tuq rawe ri kaq Shvngkà dvtá lvm. (7)Yóga zín kéò we vsvng nvng vtoq vtiqrì , Yóga vle wa lánshì nø zawe,vhòr kéo we,á:m-aq lvm dang àngwa dø mø:í nø mà shvla we,shaq vhé shì yaq dø iwerì Vhøm shì ra ninø àngdè nvng pvnwe shiqshan dvp mø:í ni øp káng dvp svng Shvngkà zíshì lvm. (8) Yóga vlwe vsvng nvng vtoq vtip we vsvng ri kaq lánø rvsvng we bvnli ritaq tubum dvbang shì lvm wawe(8) ciq svng Tvnùng bøà we ie. Yóga Tvnùng liga nø Tvnùng bøà we ni kení (2) shvlá døp cvmdøng rae wanø dvkám bøà we ie.