Putao jau gxrwangmè vdòng mvring vrv'm taq vl we shvngømréri svng gvwàn nø vjúrøt dvbvng we Shvngkà

Putao jau gxrwangmè vdòng, mvring vrv'm taq vl we  shvngømréri svng gvwàn nø vjúrøt dvbvng we shvngkà

2020 nøng Putao jau ginwang, Gxrwangøp Wajau.john Awng htoií dvtú we vdòng , mvring vrv'm taq vl we shvngømré rvp vrvm kaq svng gvwàn nø vjúrøt dvpvng lvm rvt vlē v-mi we August 21 ni taq Ginrwangøp Wajau nvng Mongkà shvngøt shú Svra komiti rì vrāshi nø mvring vrv'm svng kà dvkvng bøā we íē.

Putao jau gxrwangmè vdòngø mvring (18 ) mvring vl nø, shvngøt shú svrari shvngbè (4) vbì mvdò vwvl-shì nø nvmlat (1,2) mvdò ninø September (1-4) nihøq mvliqti tì-pò tut kupa-yapa taq vl we mvringri svng gvwàn nø dvbushang vjùrøt dvpvng we bvnlì wa shìbøì. September (7-10) ni vdòng taq nø (3,4) vbì mvdò taq kèní mvliqti tì-nì tut Ku-pa,ya-pa taq vl we mvringri kaq svng dì nø Shvngømré rvp vrvm svng vjùrøt dvpvng we bvnlìrì wà lun shìbøì wē íe. Vrá nø September (12) ni taq nø Putao Myo vdòng vl we shvngømréri svng svrapèlā (2) gø' tiq mvdò vwvl shì nø Shvngømré rvp vrv'm svng dìnø Pvlace kvmnønt tvrà nònggwøn zí we, døngku mongzøl lúnlvm, vhvngvlúnlvm, dènilā vkøn we Covid 19 vnà zønlì dvjvng angpvnpvn taq kèní lutshì lúnlvm vjùrøt dvpvngshì we bvnlì svng mongzøl dø wálun shìbøì.

Lvngdøm September (12)ni taq gxrwangøp Wajau John. Awng htoi shøn wē taq, Gvray jèjú vdòngø vkvt dø svrè dvké wē Covid 19 yóga zønlì vkøn rvt noqngøm rvtørì nar vdu bøì. mèpvng, móngdvn vsuyaqī vming zì we dvtma:t na we vdòng taq vkvt dø mvring vrv'm taq vl we shvngømré, vyvngrēri svng nònggwøn zí nø vjúrøt dvpvng we dvbushang bvnlì wá lún shìbøì rvt gvray kaq gvzà oqā wà lvm rà íē wà nø shø:ne.

Shvngbèí gvray yvngkèní mongzøl long nvng gvrayí ròqgar we shiqshan we jèjú vto shì leq lún nøng.