"Ra vchvk vsvngrì kaq svng nvmlat taq gvl nø gø' vrvmò lvpat hángà lúnlvm rvt wà dø tiqdvchá Covid 19 yóga zønlì vshøm boq wa boq vdòngø dvmù bvnlì, Vmlvm aqlvm yak we nandā myaì mvring taq kèní Zā yvng kvba vhømò rì kaq svng gvwan nø Vlu zi we"

"Ra vchvk vsvngrì kaq svng nvmlat taq gvl nø gø' vrvmò lvpat hángà lúnlvm rvt wà dø tiqdvchá Covid 19 yóga zønlì vshøm boq wa boq vdòngø dvmù bvnlì, Vmlvm aqlvm yak we nandā myaì mvring taq kèní Zā yvng kvba vhømò rì kaq svng gvwan nø Vlu zi we"

      Mandalay Catholic gaíchuk Sasvnaò dvnù mvnggá tiqlòng taq vbá we Ra vchvk gø' svng nvmlat taq gvl nø gø'vrvmò lvpat hángà lúnlvm rvt wà dø tiqdvchá Covid 19 yóga zønlì vshøm boq wà boq vdòngø Vmlvm aqlvm dvsha we Yènandā myoqnē, nandā myaì mvring taq mv-køm mv-zøp, zāyvng vhømò we Døngku (200) gø', Yènandā myoqnē vnāji yóga lvjangshì we zā vsvngrì (20) gø' kaq svng Vmlvm aqlvm íwe vmsit, có, kopi, sabya shàtúcì angpvnpvn rì svng, Mandalay Catholic gaíchuk Sasvna Social Development Sector taqkèní bvnlì angkang Shvrúng shú pe Rev.Fr.Augustine Win Myint nvng vlu angkang tiqmaq nvng October shvlá 7 ni Vsháng tut taqø Vlu rì svng zíbøā we íe.

   Vlu rì svng vtoshì lúnò rì taqkèní gø " Vkvt dø yvk we rvtø vdòng nøntløm vlu èzíshà rvt Vlu angkang rì kaq svng gvzà Oqā wà shøn mvtømshì we dang, mø-í nìnø tvrà nvmdøng yvngø dvsházā røtvmlvm høq íwe dang, íni gø ya rvtø nø Yóga vshér we rvtø írvt dvsházā røtvmlvm gø yvk we rvtø íe. yàdø íwe rvtø vdòng taqø dvsházā Vlu Kømpaq vtoshì lúni rvt gvzà nøntshøm dvbù lúnìe wànø Vlu angkang rì shvngbe dvpvt gø Vjúrøt dvbvng bøā we íē.

Photos News - Pinky