Roma Svsanaí Svrabín Koqkámpè Benedictò Shiqshvn tvrà dvpvt Misa Kàgvp núng Vjúrøt Dvbang Íwe Shvngkà

Roma Svsanaí Svrabín Koqkámpè Benedictò Shiqshvn tvrà dvpvt Misa Kàgvp núng Vjúrøt Dvbang Íwe Shvngkà
 

2022 nǿng december (30) ni lvbán pvngwà yaq dørø̀m rvtø taq Roma svsangò Basilica of St. John Lateran Nøqngø̀m

chø̀m vdòng taq nvlshì bǿì we svrabín koqkámpè Benedict (16) dvpvt mvdø̀ng misa kàgvp núng vjúrøt dvbv̀ng lvm íe.
 

Svrabín koqkámpè Benedict (16) ò shiqshvn tvrà dvja za yvng gvza rvnaq wesvng tálúnshìwe írvt Cardinel Angelo Di

Donati í, Misa kàgvp núng vjúrøt dvbvng lvm kà svng december (30) yaq taq dvshvng bǿà we íe.
 

“Shvngø̀mré svng cø̀msaq mòngzø̀l dø shøl yvngà we” Svrabín koqkápè Benedict (16) nø “Zá yvng gvza rvnaq” lúngì

rvt vjúrøt dvbvng lvm Svrabín koqkámpè Francisí lipòng taq røtnémshì bǿìwe íe. Lvbán vbini taqnø shvngkà dvp mvdo

director íwe Matteo Bruni í “Svrabín koqkámpe nø zǿmbàn lúngì wànø december (29) ni taq Svrabín koqkámpè

Benediectò shiqshvn tvrà dvja dang svng shá svzvr bǿàwe íe.
 

“Nøngmaq shóngshiwe Svrabín koqkápe Benediect ò, zá yvng vhǿmò nø yatwe rvtø taq nøngmaq tiqdø vlìnø nivrv̀m taq

Misa kàgvpnúng vjúrøt dvbvng lvm wàì wanø shø̀n bǿà .Basilica of St. John Lateran nøqngø̀m chø̀m nø Roma cartidre

nøqngø̀m chø̀m gvba ínø Svrabín koqkámpè vlwe noqngø̀m gvba íe.