Romaq wamàò mvshøl taq muqlàng dvzvr hang sømla waònø vna zønlì vkøn we dang kení vgám lún shìlvm shvngkà.

Romaq wamàò mvshøl taq muqlàng dvzvr hang sømla waònø vna zønlì vkøn we dang kení vgám lún shìlvm shvngkà.
Saturday, November 28, 2020
Romaq wamàò mvshøl taq muqlàng dvzvr hang sømla waònø vna zønlì vkøn we dang kení vgám lún shìlvm shvngkà.
Muqlvng mvdvm høq vháng we muqlang dvzvr hang sømla rìsvng yáng lúnlvm dvpvt Vatican yángsvng tvrà dvtan Shìwe kaqsvng shálún shìe. Vatican kaq mvtuq ke tvrà rvmø (123) nøng íbøì hang cømla lòng nø muqlang dvzvr mvdò kení shølshú íwe Michealò hàng sømlà ínø welòng kaqsvng shvngbe í yánglún shìwe íe. Svrabín koqkámpè mahar Gregory ígø wedø yáng lúnlvm dvpvt (590) nøng ram taq tvrà yvnggùng yàng dángí vna zønli yóga vkøn we taq kení roqgvrã lvm røt ním shìwe íe. Mvshøl paqzí vdèpè FR.SIMONE RAPONI Muqlang dvzvrò yétaik taq vlwe we hangcømla nvng Romaq wamà taq vlwe St. Mary Bacilicar Noqngøm chøm vdòng taq Salus Populi Romani tøò we medò hang sømlà svng gø baq lú:ngà we íe. We rvtø taq muqlang dvzvr tiq mvdò nø " Muqlang koqhám mè” Mvkún svng shvkunòe, wae. We rvtø taq Svrabín koqkámpè nø muqlang dvzvr Machealò hang sømlà kaqsvng ngaq shìnø yàng bøà ke muqlang dvzvr st.Macheal ínø shvwi vsaq we shàm svng dvshèrò nø shàm dànggàng yang zángò we kaqsvng yàng bøà wàe. Wedø yàng bøà we mepvng vna zønli yóga vkøn wegø vmáng ámì we íe. Wedø írvt vkvt yáng Shìwe hang sømlà yalòng svng gø lvjøm màdá vwa dø waò wenø mví. Tòniò hang cømla nvnggø màbóng á:mì. ( 175 ) nøng taq Romaq wamà yvng yánglún shìlvm waòwe hàng sømla íe. Vkat màngmán dvcøpò we hàng sømlà kaqsvng Svrabín koqkám (14) wa pèí July ( 29-1752 ) nøng taq Piter nvng polo níò bóy nìtaq Vjúrøt shvmán yà:ngà we íe. Muqlang dvzvrò hàng sømlà nø (16) be vháng è, wae. Bejin Móngdan taq kení hang rvmul pèí wàò we íe. We hang sømla nø làngdøm wàò we íe. Svrabín koqkám Paul (3) wapèí svjìn jauk íwa bøà we íe. Mvdvm kaq shøn bøà we dàlám døí we shøngran svng yánglún shìwe mèpvng nø bøng tvleò we taq 'muqlàng dvzvr rìò yétait ' kaqsvng ( Castel Sant' Angelo) wanø tø bøà we íe. Romaq myoq dvpvt gvzà vchvk we gø íe. Mèpvng nø Vatican chøm gvbà nvng dvtut wabøà we íe. Bøngte we møshøl lìpong lvmàngrì kaqsvng gø vto lún shìwe shvrà gø ílonge. Romaq wamà kaqsvngnø pin mvjàn rì kèní gø vgám lún shìlonge. Muqlàng dvzvr Micheal nø Romaq myoq svnggø, Vatican yángsvng vjúrøt shìnvng dìráì we vsvngrì shángbe kaqsvng gø roq gvră lvm ílonge.
 
 
 
 

Add new comment

1 + 12 =

Quick Links