"RVA Mobile App svng wálúnshì bøì we shvngkà"

"RVA Mobile App svng wálúnshì bøì we shvngkà"

Dèni October 11, 2021 ni taq Asia àngké rúng v-toq v-tip Shvngkà dvkvng we (Radio Veritas Asia, Online Service) RVA Mobile App poq we vjúrøt lìpòng svng Asia svradorìò Vgopè Cardinal charles Bo i shøl we vdòngø móngdàn vrvm taqkèní RVA Døngku bvnlì wà dvzømshúrì dvgvng vrvm taqkèní lúm nø mongzøl dø wálún bøā we íe.

RVA Shvngkà dvkvng we tvyø rì svng v-toq v-tip we mvr  wà mv-taq  Mobile App rì gø Google Play nvng  Play Store, App Store rì yv'ng RVA Mobile App wànø vrù weí download wànø gø tálúnshì bøì we íe.

RVA Shvngkà dvkvng we tvyø rì svng Vsvngpvn dvcìkà (22) pvn kà taqkèní dvshvngshì nø Vsvngpvn dvcì cvmì we Lisu nvng Rvwang dvcì kàpvn rì gø 2017-2018 nøng taqkèní tvrà shàng shèdø:ngà bøshà rvt Asia móngdàn vdòngø gvzà nøntshøm dvbùlvm ra tiqlòng íe.

RVA Mobile App kaq svng download  wànø àngde èshong we tvyø rì svng tálún shìe.  Mobile App Logo svng Wall Screen wà mvyørì dvpvt nø lvngpvng rāmtaq Mobile App sømla gø hapshi we íe.

Kà tvling we - David Ah Pong