Rvzaq nø yak we ang lvjøm svng yv'nglún lvm rvt vní pè wà pè Svrabin Koqkvm John Paul (2)ò lvpat laqyarì svng dvdvm nø cvndvgøm lúnlvm Svrabin Koqkvm Francisí Paqzí dvkøm we    

  Rvzaq nø yak we ang lvjøm svng yv'nglún lvm rvt vní pè wà pè Svrabin Koqkvm John Paul (2)ò lvpat laqyarì svng dvdvm nø cvndvgøm lúnlvm Svrabin Koqkvm Francisí Paqzí dvkøm we.

February 11 ni lut Gvray angmè bóy àngnī taq Catholic shvngømré kèní mònggvn taq shiqshan lvm mà-lúnò rì dvpvt àngnī wanø vjúrøt we wà bøā.

  Vatican taqkèní shøl nø wà bøā we lìpòng tiqlòng gvzat vjøn  nø svrabín koqkvmpè Francisí nø welòng lìpòng taq lúm lúngì rì kaq video message svng zí bøā.Svrabín Koqkvmpè Francisí dvkvm we taq dènila yóga zønlì taqkèní cvnà we nø tiqgø'gø' kaq svng wā lvjvng we mø-í dø mònggvn Vsvng shvngbe nvng sing we tvyø tiqlòng svng yv'nglún lvm cvnàe wànø dvkvme.

  Dènila tonglaqyarì nø ngà wàwe Nønt rì lù rvt shiqshan tvrà vgám we taqø màbòng sháòe. Tiqmaq ínø shiqshan tvrà vgám we dang taq wà lúnò nigø tiqmaq dvpvt nø mvmè rvzaqè. Wervt Svrabin Koqkvmpè í ngà wàwe tiqmvdòò dvrá svng viruses wā tø'ò nø welòng kaq svng vmàng dø cvt lún ràe wanø dvkvme.

  " Viruses dvcì pvn yalòng ngà wàwe tiqmvdòò dvrá svng lvjángà dvbān lúnlvm rvt cì nø tiqlòng taqwā tiqdø wàwe Nønt shvráshì lún we tonglaqya íe" wanø svrabín koqkvmí nonggùn zìe.

Rvzaq nø yak è wàwe àng lvjøm svng yv'nglún lvm rvt vní pè wà pè Svrabin Koqkvm John Paul (2)ò mvngshér we vjàng laqyarì svng nønt mvsøn vdòng kèní cvndvgømlvm rvt Paqzí dvkøm nø nònggùn zìe.

   Vní pè wà pè Svrabin Koqkvm John Paul (2) nø àngí yv'ng lúnò we mv-køm mv-døp ku, yàdang taqkèní lálúnlvm rvt dvtúè. Yalòng nø àngde nø àngde wàqhàm hàmshì lòng mø-í tiqlap kèní tiqdvr vsvngrì kaq svng téwa shóngnønt bøngka tvnshì dvzvr lòng íe wànø svrabín koqkvmpè í dvshat we mvdvm zvndvttut mònggvn døngtang rvgaq gurtùng rì taq shiqshan mvlúnò rì svng gø roqgarā nø Sasvna bvnlì taq dvzaqshì we Vsvng angmunri kaq svng gø gvzà vpø nø shvgùn shvring bøā we íē.