Salovakia móngdàn kèní lo lúngì tvra taq cvmré shvmvngò lòng svng vtōò we móng lvmang bvnlì wàrì tvrà dang Svrabín koqkvm Francis kaq svng røt:nòe.

Salovakia móngdàn kèní lo lúngì tvra taq cvmré shvmvngò lòng svng vtōò we móng lvmang bvnlì wàrì tvrà dang Svrabín koqkvm Francis kaq svng røt:nòe.

 Góng vdòng cvmré shvmvngò lòng nø banchvt tiqlòng mvdvm tēe. Welòng nø Vsvng gønshaq svng shvt we íe. Salovakia móngdàn kèní lo lúngì tvra taq cvmré shvmvngò lòng svng vtōò we móng lvmang bvnlì wàrì tvrà dang Svrabín koqkvm Francis kaq svng røt:nòe. Cvmré góng shvmv'ngò lòng nø banchvt tiqlòng mvdvm té tēe.

   We lòng nø Vsvng gønshaq svng shvt we íe. Jøngjø'ng èshøn lóngò nìnø kàgø'maq ínø gø cvmré góng shvmv'ngò we Vsvngrì nø Vsvng gønshaq svng shvt we Vsvngrì íe. Màsíng màràlò rì dvpvt røt kà (2) lòng røtnòe. Banchvt tiqlòng svng pvràn lvm rvt Vsvng gønshaq tiqlòng kaq svng shvmv'ng nø shvt we nø dvráè má? Dìkpā:n àng dvja ku éshøn lúngò ni welòng nø Vsvng gønshaq tiqlòng íe.

Vní kà wàkà nø banchvt tiqlòng pvràn lvm rvt gvzv't v-jø'n, shvtlvm gø' svng ngá wè nø jòe mà? Vyvngroq bvnlì nvng singwe taq banchvt bø'n lòng dvgvp vkvt dø mvdøng vchvk we mvtúrì svng Vyvngroqshú svradorìí kadø wā dvnúng vduè má? Shvngømréò mvshøl svng èyvng lúngò kvt Banchvt rì bøn rà rvtø vyvngroqshúrì vyvng dø mà-vl, móng lvmang Banchvt rì nvng shérdø bóngshì nø dvnúngòe. Íni vyvngroqshú tiqgø'taqkèní kapvn wá vduè má?.

  Vyvngroqshú dø vl ràe. Kàyv'ng màyv'ng dì nø vbà:mpshì mvrà. Vyvngroqshú vjø'ng í ràe. Íni gø shvngømré vtv'ng lap vsvngrìò Vyvngroqshú gø íe má?. Íe. Vyvngroqshú tiqpè íe. Àngmaq nø Gvray shøngmvng nvng dvshá zā we, mv-kok dvt-di we nvng nitvpdø vlømvm daq we Vyvngroqshú shvlá rì íe.