Sarabin koqkampeo COVID 19 nvng sing we shvngka

Corona virus yóga rvt vga:m we vdòng taqø Vl ri svng mvcóngò nø dvbvngo we cvmàré mvdo kaq svrabyin koqkvm Francis i shvgunò e. Svrabyin koqkvm Francis i,cvmré ri kaq mvcòng mvkok we dang, vsvk tébø iwe shaqré ri kaq mvcòngmvkok we dang,Shitshan Tvra nvng Dvra upvdibvnliri taq dvzaq shiwe cvmaré mvdò dvpvt Corona virus yóga vkøtnø lúqmvnshi we dang Vjúrøt dvpvnglvm Catholic shvngømreri svng dvkvme. Apri 13 ni Svrabyin koqkvm a:ng vlwe shvra( Apostolic Palace)keni Kangpe Yesu zuna:mi we dang svng nvmlat tiqboq mongkà dvshangbøa we svng shálun shie. "Deni shitshan lvm tvra nvng singdø Øpkvng we vdòng taqø cvmàré Cisvrawunri,cisvramaqri,Dvra Upvdi shaqréri nvng tóngnvng sing we shaqréri, mvdøng Ralong dvpvt iwe Kvtnvmwe bvnli wari,cvmréAngme ri kaq mvkok mvcóng we cvmaré mvdòri svng deni nga shøn mvyønge. Cvmréri,shaqré vsvktébøiri,hi wur mashvlari nvng tiqdø angmaq chømri vdu:ngtaqø róngvhøm bøáwe vnvmchvng ri nø" Catholic shvngká Agency taq sømla nvng tvpwa yvnglun shie.