September shvlá vdòng Svrabín koqkámpè Francis nø Assisi myu nv̀ng tìni Matera sv̀ng dìlv́m íwe

September shvlá vdòng Svrabín koqkámpè Francis nø Assisi myu nv̀ng tìni Matera sv̀ng dìlv́m íwe

2022 nǿng September shvlá taq Svrabín koqkámpè Francis Italy móngdàn Assisi wawà sv̀ng wulaq bv̀nlì tvrà nv̀ng singwe nv̀ng tìni Matera sv̀ng (27) boq waboq àngò noqngø̀m tvyø singwe lìpùngmè dvpat dìlv́m íwe dang July 8 ni kèní vrìng bǿà wesv̀ng Vatican shv̀ngkà dvpkèní vrìng bǿà we íe.

We lìpùngmè sv̀ng dìlv́m íwe rvtø̀ àngni rì nø 24-25, September shvlá vdòng taq ílv́m sv̀ng shálún shìe.

Yaboq Assisi sv̀ng diwe nø Svrabín koqkámpè Francis ò (6) boq waboq zaqlè tvrà gø íe. Ya boq taqnø Francesco wulaq tvrà nv̀ng singnø̀ téwa làngré rì kaq sv̀ng dvshat lv́m íwe sv̀ng shálún shìe.  

Weni taq nø móngdàn vdòng yv̀mbv̀n vsv̀ngrì nv̀ng mvjàn yilshì vsv̀ngrì nv̀ng vhømnø dvmv̀n lv́m íwe nv̀ng (National Eucharistic Congress) móndàn nv̀ng singwe noqngø̀m lìpùngmè taqgø tiqdø mvngushì lv́m íwe dang vrìng bǿà we íe.

Italy Svrado àngké mvdò shølshú Cardinal Matteo Zuppi nv̀ng Assisi-Nocera Umbra-Gualdo Tadino kèní Sarado nv̀ng Francesco wulaq tvrà mvdòò shølshú vgo pè íwe Archbishop Demenico Sorrentino ní kèní gø Svrabín koqkámpè tuqrawe sv̀ng dvbù we dang Vatican shv̀ngkà dvp sv̀ng vtàn bǿà wegø íe.

Assisi sv̀ng dìlv́m tvyø lvmàngrì

September24, 9:00 AM Assisi svng búnglv́m íe. 9:30 AM taq Pala-Eventi svng dvtuq shì nø shòlaqré shølshúrì 3 gǿ nv̀ng vhømnø̀ dvmv̀nwe, Cardinal Michael Czerny, (Prefect of the Dicastery for Promoting Integral Human Development), Archbishop Domenico Sorrentino (Bishop of Assisi-Nocera Umbra-Gualdo tadino, and of Foligno), Dr. Donatella Tesei, (President of the Umbria Region), President of the Province of Perugia), Members of the Promoting Committee of the Representatives of the Franciscan Families of Assisi and of the Pro Civitate Christiana ma íwe svng shálún shìe.

10:00 AM taqnø Svrabín koqkámpè Francis dvpat dvgǿā shaq íwe shvrà sv̀ng tuqlv́m ílonge. We shvrà taq Svrabín koqkámpè Francis sv̀ng vtowe lvmàng wá dá:ng bǿà mèpvngnø nøt vrá kàciq mvcøngshøprì dvpat wurmv́r shvmvr shìlv́m rvtø ílonge. Wemè pvng 11:30 AM taqnø we shvrà kèní Theater tø̀ngnø svng dìlv́m, 11:45 AM rvtø̀ taq Santa Maria degli Angeli kèní Vatican sv̀ng lolv́m dvgǿshìvm we íe.

Matera sv̀ng dìlv́m tvrà

September25 (lvbán ni) 7:00 AM rvtø̀ Vatican kèní heliport nv̀mbø̀ngshø̀ í búngvmnø̀ 8:30 AM rvtø̀ taq Matera sv̀ng tuqvme.

Vtolv́m tvyø taq vbáwe rìnø Card. Matteo Maria Zuppi (Ardchbishop of Bologna, President of the Italian Episcopal Conference), Archbishop Antonio Giuseppe Caiazzo (Bishop of Matera-Irsina), Hon. Bito Bardi (Presedent of the Basilicata Region), Dr. Sante Capponi (Prefect of Matera), Dr. Domenico Bennardi (Mayor of Matera), Dr. Piero Marrese (Presicent of the Province of Matera) ma ílonge.

Wempvng nø Cahtedral taq vlwe mvjàn yilshì vsv̀ng rìnv̀ng vhøm lv́m dvpat 9:00 AM taq dìlv́m ínø̀, 9:30 AM rvtø̀ taqnø Piazza Matteotti sv̀ng búngvm we íe. Weyv́ngø noqngø̀m tvyø wàbǿò mèpv̀ng 11:45 AM rvtø̀ taq Via Giacomo Racioppi taq vlwe Don Giovanni Mele sv̀ng dinø̀ vjurøt shvmánā we nv̀ng 12:30 PM rvtø̀ taqnø Municipal Stadium taq shìwà vsv̀ngrì kaq pàmvrà wanø̀ Vatican sv̀ng vrá lovm wegø íe.