Shìyvt chø̀mcè taq kadvgvp gø shvrà vl we

  " Shìyvt chø̀mcè taq kadvgvp gø shvrà we "

2023 nǿng February 24 ni Catholic shvngø̀mré mèò kø̀mzøp lìpùngmè svng poqpv̀ngwe Missa vjúrøt lìpùng mè svng Japan móngdàn kèní Svrado àngké vgo pè nvng Asia móng Catholic Svrado àngké mvdò bv̀nlì àngkàngpè Tarcisio Isao Kikuchi SVD, Nv̀msvr Timó móngdàn kèní Dili Cardinal Virgílio Cardinal do Carmo da Silva SDB nvng Laos móngdàn Bienjain myuq kèní Cardinal Lous Cardinal Marie Ling Mangkhanekhoun ma taqkèní shølnø̀ poqpv̀ng bǿà wegø íe. 

Svrado àngké vgopè Kikuchi nø Africa móng taqø dvbùshvng bv̀nlì wawe rvtø̀ àng taqkèní vhǿm bǿà we mvkǿm mvdøprì svng gø dvtit dvle we mòngkà dvmv̀n bǿì wegø íe. We mòngkà taq vsv̀ngrì ò pvlàcè kaqsvng shvtìn we nøt mvsø̀n kù:ngà vnǿnwe nvng yv́ng mvtàmvm we dvjà rì, shø̀ngran yøpnv́ngrì nvng dvsháza shóngnøtrì, vzø̀m vzvpwe tvrà kèní wáshìwe lvpvt nvng mòngzø̀l we tvràrì Ghana móngdàn ò dvjàrì dang svng vtàn bǿà wegø íe. 

We lìpùngmè poqpv̀ngwe Missa vjúrøt lìpùngmè taq lángshì we svmi tvróng svng shvmv́n we wáshì bǿì weó we vjúrøt lìpùngmè svng dvdáng bǿà wegø íe. Welòng svmi tvróng nø we lìpùngmè taq kø̀mngǿm ráì we gǿ vrv̀m ò nøt mvsø̀n kaq svng gálòng wáshì nø dvshvt lúnlv́m Yesu Kristu ò gálòng tvle ku gv́lshì wegø íe.