"Shóngnøntni kvmnøntnò gálong èwá shì"

"Shóngnøntni kvmnøntnò gálong èwá shì"

Dènila vkøn we Covid 19 Zønlì vsher we mvtú, Mongkà dvshang wē tiqyø lvngtøm taq Svrabyin Koqkvm Francis í mònggáng rvgaqtøm svng dvshá dvzvr we nvng tvp-wa vløm shìrà shóngnønt tvrà svng dvdvmòè, wàē.kangpè yesuò coqcvcrì taq kèní nøngmaq shvngbe gø kvm:i e, vlømshàíē, shóngnøntni tvnung we vdòng nøngmaq í vtoí nø, dvshá hoqrì svng dvda:mà nø,dvrērì lv'ngshì lòng svng dèdam longò dvgvp nøngmaq v-lì we rvgaq yachvng svng mv-kok nø Kangpè Yesu ò hi-mvr svng cvn nø røtshàí we dang íē, wàē.

"Yà lòng tvrà taq cvn leqlun nøng" Svrabyin Koqkvm pèí rvgaqtøm svng chutchvng lvm rvt gunlvjvng taq vsvng dvci, vrvmø , kvmnønt tvrà, rv-wing we mà-vl nøngmaq svng ròqgar we kangpè Yesu svng kadvgvp gø vlømshi nø yvnglún ràe wa wē svng zvtdvtut dvtvnòè.yàdang svng tvnú:ng lúnlvm nvng vkangpe ò hi-mvr svng cvn lúnlvm, nøngmaq nø gvrayò shóngnønt taq v-lì we svng dvdvm nø svngpvn dvcí shvngbè nvng cunshì we Nina pvn vrvm shvngbè vnvplvm lòng svng nvmlat taq gvl nø vpø shvríng ràe, wanø Svrabyin Koqkvm í vringò nø dvshàng bøā we íē.yalòng taq kèní nøngmaq ò dvshà mvhøq lvm,àngnvm angchvngrìò mvhøtlvm vdòng taq hkristu vl we svng mvsat nø angmaq nvng tiqdø vto-shì we í, àngmaqò ngù we shaq nvng rvgaqtømò ngū rvla we shaqrì svng gø táràe, wā Svrabyin Koqkvmí dvkvm nø vring bøā we íē.

"Àngwa dø" Hkristu kaq cvndvgøm we í nøngmaq nø àngwa dvjà svng mvtuq íni gø,vsvng lvpat zìdvng svng hvnshi lunni we íē wanø Svrabyin Koqkvm í shøn bøā we vlē. Yalòng Covid 19 Zønlì nø Vsvngrì taq kèní ma-tvra we dang mvmè bù:ng dvzvr we svng yvng lúnshì ì. nøngmaq nø Gvray Mongdvnò zaqshøprì, gø vrvmí vché høq lún nvmbø shà ,vsvngpvn dvci vrv'm,dang vrv'm taq gø ngà wa we mà:p-nønt laqyàrì kèní shøp Shi we mø-i nø, dvshá zā bvnlìrì taq kèní cvnshì lúnlvm gvrayí nø ègo íē . svràbyin Koqkvm Francis ínø Covid 19 Zønlì taq kèní lutshì lúnlvm rvt cì svng laluno we mvdvm vsvngri nvng wulaqbvnlíri svng gø angdangdang lvjvng lúnlvmrvt cì gø ràe wanø dvshàng bøā we íē.

"shóngnøntni mongkvn svng vløm rà dvtvn ni" Lvngtøm taq Svrabyin Koqkvm Francis í, røn-vra vrvm vrá nø tiqdø íwe vsvng mvdò nø téwa Shiqshan we vsvng mvdò tiqlòng íwe nvng nøngmaq dvpvt hkristu í èpuqāí we "mvhøt nø zā lvm , zāyvng banlvm,shìlvm, góng mabyo lvm angpvnpvnrì, dø-we vdòng gáwe móngdvn ílúnlvm dvpvt tiqdø wá lunē wànø dvkvmè. shóngnønt nø kvmnøntnò gá lòng taq vsher nø , kvmnønt gá lòng kèní vlømshi lòng svng móng tøngtvng dvshàng laqlúnì wànø , Svrabyin Koqkvm í vlé à:mi we lvban 6 nì taq angò Mongkà taq kèní dvkvmbøí we íē.

Chat conversation end

Type a message...