Shaq Zang shì bøwe Jøm mòngka tiqbuk køp svng tálvm (89) nàrì rvtø Zíshì ràwe.

Shaq Zang shì bøwe Jøm mòngka tiqbuk køp svng tálvm (89) nàrì rvtø Zíshì ràwe.

Jøm mòngka tiqbuk køp svng shaq Zang lvm rvtø kadv'ngtè ràe má. Navarra detgvdū kèní shaq záng bøà we Jøm mòngka tiqbuk svng (15) migabait

ràwe dang, vkvt nø online yvng dvshvng bøà we íe. Mòngka svng vkvt dø angshaq zá:ngò ke gvza vjú vlwe svng shálún shìe. Shvngbè svng tálvm rvtø

(89) nàrì tome. We rvtnø Jøm mòngka tiqbuk køp angshaq svng ta mvy'ninø (100) nàri rvtø zí ràwe dang svng Eunsa ò, vtwi twi maneja íwe Javier

Balivrea í, dvtvn we íe.
            
 

We angshaq záng shìwe Jøm mòngka File taq mòngka vrvmò kà vgò svng shvlúm shìwe íe. We angshaq fill svng Navarra detgvdū ò, digital legà

mv'r taq yv'nglún shìe. Gvgà malé we rvtø taq lùmuq gùnyet dvhø taq hap lvm dvgø' shìe. Vdèí tá mvyø' we rvtø taq tálún shìe. Bvnlì màta we rvtø

taq, cømsaq mòngzøl we rvtø rìtaq tálún shìe. Jøm mòngka but mv-vl wa marà, rølúnò shì bøì we íe. Tiq pvn wa ràe, welùng nø Wi-fi dvzøp lvm

wa ràe. Vkvtdø Gvrayò mòngka svng lumuqgunyet tiq pvn kèní yv'nglún bø'shá rvt vsvng vrvmí Gvray mòngka svng rvtø vrvm taq tálún

bø'shà rvt oqà waì.