Shvngø̀mré Shølshúrì Nø Shvngø̀ré Vdùng Taq Døngkū Tiqrvp Vsvng Dø Dvdvm Rae Wanø Svrabín Koqkv́mpèí Shø̀nwe Shvngka.

Shvngø̀mré Shølshúrì Nø Shvngø̀ré Vdùng Taq Døngkū Tiqrvp Vsvng Dø Dvdvm Rae Wanø Svrabín Koqkv́mpèí Shø̀nwe Shvngka.
December (9) ni, lvban pvngwà yaq taq, Svrabín koqkv́mpè Francis, shvngø̀mré shølshú (Christian Workers) rìnvng vhø̀mwe rvtø taq,
shvngø̀mré shølshú rìnø shvngø̀mré vdùng taq vdèò chø̀m dø̀ngkū tiqrvp vsvng rìdø dvdvmlv́m nøt zv́ng ràe.
“Vdè tiqgǿíwa wáshìwe svng nøtshø̀m mvdaq; shvnshv́r pvlàcè nø vsvng vrv̀mò lvpvt vdung taq bvnli shvlá wá dvzv́r we svng dvdv̀mlv́m
waì. Vsvngò góngsha dvdvmwe dang mví, cøpshì we nøtní, nivrvm taq, vsv̀ng vrv̀m nvng tiqdø íshà we svng dvdv̀m ràe.
Nøngmaq shv́ngbe nø mvrà vlwe vsvngrìwa íshà rvt, gvrayò shóngnøt taq kèní tvsàng mvrà vroq kelv́m rawe vsvngrì wa íshàe. Wervt nø
nøngmaq góngsvng nv̀mlvt dvshvn dvshv́r lúnlv́m rà vchvkwe íe, wanø shvdúm we íe. Nøngmaqí vléì we dangsvng røtnémshì weí nøt
vlíng wenø kv́m nøt nvnggùn rvt íe.
Shvnshv́rpvlacè svng vtōshìwe nø vtò vgv́m we mv-vl, nvnggù ku:ngà lúnshì nø shvla we bvnli vrvm svng vtōlún shì lùnge. Zilvngrérì angmaq
svng gø shvra zírae. Shǿn mvyǿ wenø angmaq nøt vlínglv́m shvla we dang taq bvnlì dvtú raè.
Vshø̀m baq mònggv̀n mvjàn walv́m nø vkǿn we vna zìnli dvjv́ng íe, wervtnø nøtcø̀m nøtyòl lv́m vlnigø zv̀ndvtut nvngnùn dvkv́ngshìnø shvla we
dang taq vling ràe. Tāsvng nøtvrv́m vránø, dvbvng kéràe. We mvtaq bv̀nli mvdá vsvng tiqgǿ gø v́l mvdaq wanø svrabin koqkv́mpèí shvdúm we íe.
Mòngkàng vsvng nvng singnø shvngø̀mré rvsv́ngcèrì kaq shvdúm we (Social Doctrine of hte Church) svng nvmlvt vling vpōlv́m dang svng shvbǿn
ràe. Vsvng vrv̀m nø vlíng vpolv́m nvnggùn vlwe íe, wanø svrabín koqkv́mpè shvdúm we íe.
Vnv̀m vchv̀ng shóngnøt dø vrv́m vránø zv̀nsvtut dvzaq shì sórí, yosep nø nøngmaqò bv̀nlì vrvm dvpvt dvzaq shìlún lv́m shølshú shvlá íe wanø
svrabín koqkv́mpè Francisí shvdúm sórí vjúrøt dvbvng we íe.
By: Paul Hpu Ye Dwi
#vaticannews