Shvngxmre vrvm keni, Hpakant longsing wang vbaq vdxlo rvt shivmmi we vsvngri nvng za we ri dvpvt vjurxt lipong wao

Shvgxmre vrvm keni vgo washiri dvkxmshi nx, July 2, 2020 niqtaq, Hpakant longsing wang vba vdxlo yvng shivmmi we vsvngri, za we ri nvng tichxmrvp vsvngri dvpvt July 8, 2020 ni dvgvp vjurxt lipong wao long svng shalun shie.

Vjurxt lipong rvtx yvng, Vsuyaq mvdo, Byadari, RC, KBC, Anglican, AG-DC10 keni vgo washi ri nvng shvngxmre vsvngri shvngbe (30) dvngte dvkxmshi nx, vjurxtno tvra, mongka dvshvngo tvra, nonggon zio tara ri nvng lvngdxm taq, Fr Francis Awng Li keni mongzxl zio tvra ri waluno svng shalun shie.

Hpakant, Gwika longsing wang vdxlo rvt vsvng 170 jvng shivmmi nx, vlevmmi we 2015 nxng taqgx, longsing wang vba vdxlo rvt vsvng 110 dvngte shivmmi we svng shalun shie.

 Longsing wang vbaq vdxlo rvt shivmmi we vsvngri yvng, Zongmvngri, Zilangreri tewa shi nx, Rvwang Dvciceri gx vba we svng shalun shie. Denxng nx, COVID zxnli rvt bvnli mvda we vsvng gvza luqwe angnxng gx ie. 

Hpakant Myoq nx, vde Mongdan keni vsvng mvdo, svngpvn dvci vrvm keni shaqreri, zinglvngre ri dvkxmshi nx longsing duo we bvnli wao rvgaq gx ie.