Singapore móngdàn yvng Cahtolic Sasana tuq we ( 200) nøng vhømwe Jubillee bóy mè gvba wàòwe shvngkà.

Singapore móngdàn yvng Cahtolic Sasana tuq we ( 200) nøng vhømwe Jubillee bóy mè gvba wàòwe shvngkà.

Singapore yvngsvng (1819) nøng taq British dvzvr shúpè Sir Stamford Raffles ínø British Enpire (ဆိပ်ကမ်းမြို့) wamà kaqsvng poqpvng bøá nø (2) nøng vle bøì mepvng 1821 nøng, December (11) yaq taq bindit móngdàn kení MEP Father Laurent Ilbert tuqráì nø Sasana wápvng bøà we íe. Wervt nø (2021)nøng taq Singapore yvngsàng kahtolic Shvngømré sasana tuqwe (200)nøng vhøm bøì we íe. Ya Jubillee bóymè svng Svrado gvbà Archbishop William Goh of Singapore í, December (13) ni taq Virtual Mass Vjúrøt shvmán dángí bóymè svng poqlún bøà we íe. We bóy mèò kà vgo nø, "Ignite and Shine with Faith” "kámnøt nvng gálong èwá shìnøng” wawe íe. (2021) nøng tøp gwrhøm dvpvtJubillee bóymè wàlvm angnì rìnø December (4) nì kení December (11) yaqhøq Jubillee bóymèò ring vtvng we angnì íe.

Bóymè svng December (11) yaq taqnø Jubillee bóymèò langdøm angnì svng Jubillee Vjúrøt Missa wádvngí bóymè svng dvdánglvm dvshvng bøà we íe. Tiqnvmshá íwenø Jubillee bóymè Missa Vjúrøt kàgvp nónglvm dang nø tiqyáng wa shvngømré vsvngrì vhøm mvngū shìlvm mv-ínø vdèò vdè Sasana Shvngømré nøqngøm chøm shvrà yvngsàng tiq rvtø taqnì shvngbe dvpvt Vjúrøt dvngí dvdáng lvm íe wawe svng shálún shìe. Vsvng (5.6) sé jánsèn gø vlwe Singapore móngdàn taq noqshì we vsvng rìnø (15) yàwet dvngtè vlwe kení Katholic shvngømré vsvng rìnø (360,000) dvngte wa vlwe íe. (မျိုးကြဲသူ) (Ref: "Singapore Church marks 200 years of evangelization" by Vatican news, vaticannews.va; catholic200.sg)