South Korea, Soul myuq Catholic sasvna vdòngø shvrúng shú (Father) 23 gø svng vya kámāò we

South Korea, Soul myuq Catholic sasvna vdòngø shvrúng shú (Father) 23 gø svng vya kámāò we

2022 February 1 ni taq svrado gvbà Peter Chun Son wur taqkèní shvrúng shú 23 gø svng Soul myuq Catholic Cathedral taq vya kámā bøà.

We bóy svng nø Covid 19 zønli dvjáng ratnø móng vsvngrì ò cvndøn dvrá nvng vdu vbóng dø wáshì bøì wegø íe.

Svrado gvbà pèí gø we bóy dvpat shvrúng shú àngshvr rì, àngpè àngmè maq shvngbe svng gø oqà wakà vtàn vtnà we íe.

We shvrúng shú àngshvr rì 23 gø taqkèní 3 gønø "Seol International Catholic Missionary Society" wawe shvrúng shú zùng kèní íe. Àngmaq nø mònggvn shvrà vrvm svng gvray dvbùshvng bvnlì rílvm døngjá kámshì we mvdò, dvgàng gø íe.

Soul myuq sasvna vdòng taq 2022 nøng January shvlá høq Catholic shvrúng shú Father rì 966 gø, Cardinal 1 gø nvng svrado gvbà 3 gø vlwe gø íe.

#vaticanews
#photocredit