Spain Móngdan taq vlwe Kámnøt shvre zìlangré tiq gø svng shvn shér we vsvng dang bøã we shvngka.

Spain Móngdan taq vlwe Kámnøt shvre zìlangré tiq gø svng shvn shér we vsvng dang bøã we shvngka.
Monday, November 23, 2020
 
Spain Móngdan taq vlwe Kámnøt shvre zìlangré tiq gø svng shvn shér we vsvng dang bøã we shvngka.
Vleámì lvbán nì taq Spain Móngdan Bacelona wamà yvng vlwe Joan Roig y Diggle watø Shìwe Kámnøt shvre Zìlvng ré tiqgø svng shvnshér we vsvng rvsvng bøã we íe. Angnø Spain Móngdan Døngkū mvjan vdòng dvhø shat vhøm bøã we (19) nøng rvm Zìlvngré tiqgø ínø Bacelona Svradò gvbà Cardinal Juan Jòse Onela í missa kàgvp núng vjú røt nà bøã we íe. Spain mòngdàn Døngkū mvjàn taq shà:ngømré rvsángcè rì ang yáján dángtè kámnøt tvrà rvtnø shat vhømò we íe. Shaqré shaqtvng pèlà, Zìlvngrérì, nvng Jau rì, mamaq rì, Svradò gvbà rìgø vbá we íe. We yáng nø nøt tøng kámvm vrvm nø nøtshèr we pè vbá á:mì we íe. Ang nø Spain móngdàn Bacelona wamà yáng 1917 nøng, May 17 yaq taq gvl ya:ngà we íe.
 
Døngkū wulaq bvnlì krvtsøm we írvt El Masna wamà yángsvng shølShì á:mìnø Cvmré kení bvnlì gvzà dvzaq shìwe íe. Bvnlì kadangte luqwe ínìgø nì vram missa vjú røt di we nvng nøt shvdøk shìwe rosary Vjú røt we dang kaq ni vram mvnvr dø dvzaq shìwe íe. Kámnøt tvrà dang kaqsvng gø dvzaq shìwe zìlvng ré tiq gø íe wanø mvsvt shì bøì we íe. 1936 nøng, july shvlá taq ang bvnlì washì we zìlvng ré mvdòò róng nvng nøqngøm zùng svng svmìí wárã bøã we íe. We mèpvng nø ang svng gø pìnla rìí tapmò nø shøl bøã we íe. Angsvng pìnla rìí tap lvm waò we zàngí angmè kaqsvng làng døm shønò kànø "Gvray Gvsvng nø ngà nvng tiqdø vle” wae. Pìnla rìí nø ang svng svnatí wap lvm wàò we zàng taq gø "Kàngpè Yesùá nà dvgòng laq vl dã” wanø vkiq we kaqsvng shá lún shshìe.

Add new comment

5 + 3 =

Quick Links