St.Mary màdvlín nøqngøm zùng gvbà bóymè svng gwrwàng øpshú Fr. í, shvngømré vsvngrì dvpat røngò we zìdang taq kèní dvzøm dvbv:ngò we shvngkà.

St.Mary màdvlín nøqngøm zùng gvbà bóymè svng gwrwàng øpshú Fr. í, shvngømré vsvngrì dvpat røngò we zìdang taq kèní dvzøm dvbv:ngò we shvngkà.

   July (22) nì st.Mary màdvlín nøqngøm zùng bóymè svng nøng vràm gvza byò dø wálúnò we ínìgø Dènøng nø ana zìnlì vkøn we rvtø írat Mandalay Catholic shvngømré gaíchut Svsana, Shweebù wamà, yourdò sànpiy mvrìng taq kèní gwrwang øp Fr.Ãlòt shets Nè Myu Swèí shvngømré vsvngrì dvpat angí røngò  zìdang taq kèní dvzaq shìnø pàlàcè nùngùn lúnlvm høq dvzaq shìwe íe.

We bóymè gvbà svng gwrwang øp Fr.ínø shvngømré vsvng vrà:mí Gvray mòngkà svng tálúnlvm kàdvté jvk taq kèní mòngkà dvshv:ngò we íe. Wedø kàgvp núng vjúrøt da:ngí mvrìng vdòng taq gòng nø shvngømré vsvngrì vràm svng Kàngpè Yesuqò kàgvp gvránã bøà we íe. Weda:ngí Covid-19 ana zìnlì  yógà màvkøn lvm dvpat  Kàngpè Yesuò ngór dvgòng taq vlømshì nø rvtø vràm vjúrøt weí kámnøt nvng súnshì lvm nvngùn zi dvshvt bøà we íe.

Gwrwang øp Fr. taq kèní Myanmar móngdàn dvpat vna zìnlì yógà
 taq kèní lutlvm, Nøqngøm zùngrì svng mvpoqò we ínìgø nøngmaqò nøt mvcøng nø Gvray vlwe a:ngò chøm íwe svng dvdvm ràe. Nøngmaqò cháng kàngpè Yesu zun lú:ngì we svng nvmlvt yvng bøà we st.makdala mari dø Nvngùn lùshì shálvm wanø mòngkà taq kèní nvngùn zìwe mòngkà dvshvng bøà we íe.