Svràbín koqkám pè Francí nø Memores Domini mvdò dvpvt vjúrøt dvbvng nawe shvngkà.

Svràbín koqkám pè Francí nø Memores Domini mvdò dvpvt vjúrøt dvbvng nawe shvngkà.

   Svràbín koqkám pè Francis ínø, Memoers Domini mvdò dvpvt Pilipin Móngdàn Taranto Svsanaò gaíchut Svrado íwe Filippo Santoro svng a:ngò dvzvrshú gvbà kù rvsvng bøà we íe. We mvdò nø Shvngømré vsvng rìtaq kèní rvsv:ngò we tiq mvdò íe. Vkvt Svràdòí we svng màvmvng dø dang vrvm taq vrvm vrá dø dvtvn lvm bvnlì døngjá dvnùng shìwe íe.

        Svràbin koqhám pè Francis nø we mvdòò mvkrøm mvdup rìnvng we mvdòí wàòwe bvnlì ang mvtó nvng tiqdø Gvrayò jèjú ang dvgò:ngò svksè íwe svng dvtvn we íe. We rvtnø we mvdò ràwe bvnlì rìsvng dvzøp dvgø lúnlvm dvpvt a:ngò krin màng vchvkwe írvt vkvt dø rvsvng shìwe íe. Wedø rvsv:ngò wenø dvrá shàng we íe, wanø lvbán pangwà nì taq Vatican kèní dvshvng bøà we íe.

            We dvshv:ngò we taq september (25-2021) nøng kèní Svradoí Svràbín koqkám pèò krin màng kū we mvdò svng tiqlvngcè rvtø taq tvra shøl lvm shølshú ànã dvtó bøàwe íe. Wedønì tiq dvchá Jeswet fr. Gianfranco Ghirlanda, S. J svng dvrá uqbvdè dang sing nø dvbvng lvm dvpvt vatican kèní bvnlì shvri bøà we íe. Kàtvlíng svra Paul Hpu Ye Dwe.