Svràbín koqkám pè Francisí ebóngnøng nø Kàngpè Yesu svng svksè wá shì vsvng rì leqí nøng.

Svràbín koqkám pè Francisí ebóngnøng nø Kàngpè Yesu svng svksè wá shì vsvng rì leqí nøng.

 

2021 nøng, Svràdò Gwrwang zìdang, mònggàn zìlvngré angnìò dvpvt, Svràbín koqkám pè Francisí mòngkà dvshv:ngò we taq,

zilvngrérì svng ebóngnøng nø kàngpè Yesu svng svksè wá shì vsvng rì leqí nøng, dvzvr Polo nvng vbóng dø svksè wá shìnøng

wawe, nvnggùn zíkà svng September 27, yaq Lvbán vnínì Vatican kèní dvshvng bøà we íe.

 

(36) baq wawe Mònggàn zìlvngré angnì,World Youth Day (WYD) svng 2021 November 21 nì taq wàlvm ínø, mònggàn vrvm Svrado

Gwrwang vrvm taq wàlvm dvpvt Svràbín koqkám pè Francisí dvtú bøà we íe. Mònggàn zìdang, mònggàn zìlvngré angnì, svng nø

2023 nøng, Portugal Móngdàn, Lisbon taq wàlvm íwe svng shálún shìwe íe.

 

Svràdò Gwrwang zìdang wàlvm íwe 2021 nøngò Mònggàn zìlvngré angnì dvpvt, Svràbín koqkám pè Francisò mòngkà svng (message

for the 2021 Diocesan WYD) yã link taq yánglún shìe. We link svng nø, September 27, yaq lvbán tiqnì taq dvshvngò we Svrado

Gwrwang zìdang taq wàlvm íwe, WYD mòngkà íe. Vkvt tvm ebúngnøng, nà svng ngà dvzvr shú wàlvm rvsvng lvm dvpvt nà yvng ngà

dvtvn shø:nge, nàí dèni ngà svng èyvng wedø tiq dvchá, vrá mèpvng ngàí nàsvng dvtvnò we rìsvng tiqdá vsvng rì dvhø taq svksè

wá shì ràe. (Dvzvr 26:16).

 

Zìlvngrérì nvng sing we bvnlì rìsvng vkvt dø vkøn we vna zønlì rvt nø yatwe rvtø taq ínìgø Covid-19 vgám lvm svng mònggàn zìlvngrérì

vtoqvtip nø vchvk we bvnlì rìsvng wàlvm dvpvt Svràbín koqkám pè Francisí nvnggùn zìwe legà yvng vbá we íe.

By Svra Paul Pù Yé Dwiq

#vaticannews

#rvarawangservice

Add new comment

2 + 1 =