Svràbín koqkám pè Francisí taqsvng tvle pàqzí zí kewe nø lutlún lvm tvra angshvr íwe nvng vsvng vrvmò dvgòng svng vháng dvzvr we dang íe wawe shvngkà.

Svràbín koqkám pè Francisí taqsvng tvle pàqzí zí kewe nø lutlún lvm tvra angshvr íwe nvng vsvng vrvmò dvgòng svng vháng dvzvr we dang íe wawe shvngkà.

September(2) nì lvbán 4 yaq taq, angmè nvng cvmréò yatwe tvra dang rìsvng dvbvng we mvdò rì nvng vhøm nø vtoq vtip we taq taqsvng dvle paqzí vzí kèwe nø tvrà angshvr lún shìwe nvng vsvng dvgòng svng vháng dvzvr lè wa nvnggùn zìwe íe. September 2 nì nø Arche mvdò svng poq pv:ngò we (30) nøng vhøm ráì we angnì íe. Wenì taq Svràbín koqkám pè Francis, Arche mvdò svng poq pvng bøà we pè nvng tiqdø we yvng bvnlì dvzøm shìwe vsvng rìsvng gø gvza oqà íe, kà shøn bøà we íe. Angmaq nø døngkù mè rì mvdò nvng Svsana cvmré rìsvng mvdvrá, mvjò we kū dø mvwa lvm dvpvt apnúng shìwe rì íe. Arche mvdò svng 1991 nøng Milan taq Italy fr.

     Giuseppe Bettoni í, HIV ànà vkøn we cvmré rìnvng døngkù vsvng rìsvng dvdvng dvzøm we taq kèní páng shìwe íe wa shálún shìe. Arche mvdò rìnø shvngbe dvpvt nøt vløm shì lvm shvrà íe. Móng vsvng rìnvng nøngmaqò angcø' angcè rì dvpvt nøt vløm shì shvrà gø íe. We mvdò taq dvdvng dvzøm shìwe vsvng rìnø dvshà dvré íwe rìnvng tiqdø apnúng shìnø bvnlì dvzaq shìwe íe wanø Svràbín koqkám pè Francisí shønò we íe. Lvngdøm taqnø Svràbín koqkám pè Francis í, angmaq dvpvt vjúrøt dvbvng nø shvmvn dvgø'ngà bøà dá:ngí rìpòng svng dvdvng bøà we íe.