Svràbín koqkám pè nø American damvdaq Júbaìdan nvng (G 20) shølshú vgò rìnvng vhøm lvm dvgø shìwe shvngkà.

Svràbín koqkám pè nø American damvdaq Júbaìdan nvng (G 20) shølshú vgò rìnvng vhøm lvm dvgø shìwe shvngkà.

Svrabín koqkám pè Francis ò tuqrá we lvbán taq Romaq wamà svng zaqlè wang tuq lvm íwe móngdàn shølshú ang gò rìnvng vhøm vlwe íe.

Móngdan (20) kèní we shølshú rìnø wurlaq bvnlì dang gvza bøng shvng we móngdàn (20) kèní shølshú angké rìnvng vhøm we rìpòng íe.

We rìpòng nø Oct 30-31 nì høq wàlvm íwe svng shálún shìe.

Tuqra we lvbán (5) yaq taq Svràbín koqkám pè nø American damvdaq nvng vhøm nø vtoqvtip lvm íe. Dvm mvdaq rvsvng bøà mèpvng Svràbín

koqkám pè nvng nvmlvt vhøm nø vtoqvtip we íe. Lvbán tiqnì taq Jamanì dvm dvdaq Frank -Walter Steinmeier nvng vhøm nø vtoqvtip lvm vle.

Vkvt dø Jamanì móngdàn ò, shølshú angké vní gø' nvng tiq shvlá vdúng taq vní baq vhøm we dang íe. We vzang taq Svrabín koqkám pè

Francis nø Angela Merkel nvng vhøm nø vtoqvtip dang shaq íe.

Dará shvng dvkà:ngò we mv-vl we ínìgø Svràbín koqkám pè Francis nø Korea dvm mvdaq Moon Jae-in nvng gø vhøm lvm vlwe íe. Vkvt

letshiq dong korea dvm mvdaq nø kahtolic Shvngømré vsvng íe.