Svrabínò (44) poq wawe zaqlewang tvrà nø mòngzøl dø Pàmvrácè dáng bø'à we

Svrabínò (44) poq wawe zaqlewang tvrà nø mòngzøl dø Pàmvrácè dáng bø'à we

Svrabín koqkám pèò (44) poq wawe pindit móngdàn Marseille svng pamvrácè tuq vpmì we íe.

Svrabín koqkám svng vto nvng dìwe wunkyichuk Elsabeth Borne nvng dedaqkàn túngkring gónggwá belaq rì gwà
shìwe cvmré rìí dvlú dvgø' shìnø vtoòe. Wedø Svrabín svng vtodá:ngí wunkyichuk nvng Svrabín Francis nø Helene
Boucher kánmaq sòng yvng vtoqvtip kà shøn we íe.

Svrabín koqkám pèò vkvt dìwe zaqlewàng tvrà nø bindit svng nvmlat wawe poq dìwe mví. Vzvng 2014 nøng taq gø
Strasbourg yvng waòwe UEurope balimvn lìpong taq vcvrshì nø yatwe vsvng rì dvpvt kà vrashìwe lipong gø dí
yv:ngà. We zaqlewàng tvrà nø rvtø angdòngcè íe. Pàwálvm wanì rvtø nø (4) nvrîsè wa íe we shálún shálún shìe.